Inrinni zan a ni a. Ruah sur cherh cherh chuan boruak chu a tivawt deuh sung a. Zan dang ang lo takin vengthlang Biakin lamah lengkhawm zai ri hriat tur a awm lo, ruah sur vangte pawh a ni ta ve ang. Zan danga min ti muhil thei lotu khuang ri inrawn tluk tluk thawm hriat tur awm ta lo chu a thawventhlak rual rualin khua ati har ang lawi a.
Ruah chu a han deuh dawn tiin a han reh deuh duk a .Zan danga duh tawka che thin khuangchiri leh perhpawngte pawh khaw chhe hnuaiah chuan an zai peih bik lo a ni teh chek a niang chu. An thehhmeh reh tlawk tlawk mai a ni. Bang laia sana khai inchek ri tlek tlek pawh a ring duh ta ngei mai.
Kei muhil thei lo ta pek chu khumlaizawlah mahni in ka let ka let a. Ka lukham hnuaia ka dah thlalak chu ka han la chhuak a. Ka han enkual a, a tawp ber thlalak pakhat karah chuan i thlalak min pek ngei kha a lo la inzep trat a. A hnung lamah chuan pentui pawlin " 4ever ma luv, dt.16.6.2007" tih hi a inziak kiau mai a. Chu thlalakah chuan Hun liam tawh hnu zawng zawng a chuang vek emaw tih mai turin engkim chu ka hmaah a rawn inlan zut zut a. Engkim kha a ngai ang ngei khan. Enteh duhtak, ka mittui ka dang zo lo leh ta.
Duhtak, kan ina i lo len hmasak ber kha ila hria em? Ruah a sur cherh cherh a. Lo leng tura ka sawm tlat che avang khan nihliap dum lian tawk nen i rawn leng a nih kha. Heater kan ai dun a. Sawi tur pawh kan hre lo. Kan ngawi reng a, kan innuih leh tawp zel a nih kha. Ngawi rengin darkar 3 ngawt kan thu dun a, ka biangah fawpin mangtha tiin kan inthlah ta a nh kha .Kha zan kha ka trah khua tisei thlawn tura bul lo intanna a ni si a. Hria ni ila zawng, ka sawm lul lo ang che.
Hei tunah kum tam a vei tawh a.Kha zan kha nimin ang maiin a la thar reng si a nih hi. Nang ngai leh inthlahlel takin ni ka hmang liam a.khatih hunlai khan Ka hlim a. Ka hlim takzet a ni. A chhan chu, ka kiangah i awm tlat si a.
Mahse he khawvel nun rawng tak hian nang nena kan awmdun chu rem a ti lo a niang e. Khawvel mawina chuan a chimral che a. Hmangaih tawp lova hmangaihtu che hi kalsanin zu leh ruih theihthil i thlang zawk a. Hmeichhiat mipatna duh tawka chenin khawvel lamah i tlan a. Lalpa hnena ka dilpuina che chu ninawmah chang zovin, Kei chu mi hnawl ta a nih kha.
Duhtak, a na ka ti em a ni. Nang nena duhthu kan lo sam zawng zawngte kha a thlawn ta vek si a. A thlawnah i chan tir a, min nghilhin sual kawng chu i thlang ta zawk si a. Duhtak, i ngaihtuah chiang mawlh lo a ni.
Duhtak, a tawp nan hei chauh hi ka sawi nang e. Nang nen kan lendun lai ni khan, ka veng zo tawk lo che a. Boralna kawng i zawh lai khan Pathian hnenah chhanchhuak tur chein i tan vawi khat pawh chaw ngheiin ka dil hek lo. Khawngaih takin min ngaidam mawlh ang che. Ka tling lo em a ni.
Duhtak, He zan dai ruih maiah hian tui takin chhing siai siai la, nunhlui trahna sulhnu hnawk zawngte kha nghilh zai rel dun tawh ang hmiang. Chutin lenlai kan din thar leh anga. Hlimten kan leng dun leh mahna le. Hetah ka tawng lo che nih pawhin pialralah tal nunhlui trawp tak te kha hre tawh lovin kut insuih riala kan len dun theih nan Khuanu ka lo dil nag e. MANGTHA LE.
26.8.2012
Ruah chu a han deuh dawn tiin a han reh deuh duk a .Zan danga duh tawka che thin khuangchiri leh perhpawngte pawh khaw chhe hnuaiah chuan an zai peih bik lo a ni teh chek a niang chu. An thehhmeh reh tlawk tlawk mai a ni. Bang laia sana khai inchek ri tlek tlek pawh a ring duh ta ngei mai.
Kei muhil thei lo ta pek chu khumlaizawlah mahni in ka let ka let a. Ka lukham hnuaia ka dah thlalak chu ka han la chhuak a. Ka han enkual a, a tawp ber thlalak pakhat karah chuan i thlalak min pek ngei kha a lo la inzep trat a. A hnung lamah chuan pentui pawlin " 4ever ma luv, dt.16.6.2007" tih hi a inziak kiau mai a. Chu thlalakah chuan Hun liam tawh hnu zawng zawng a chuang vek emaw tih mai turin engkim chu ka hmaah a rawn inlan zut zut a. Engkim kha a ngai ang ngei khan. Enteh duhtak, ka mittui ka dang zo lo leh ta.
Duhtak, kan ina i lo len hmasak ber kha ila hria em? Ruah a sur cherh cherh a. Lo leng tura ka sawm tlat che avang khan nihliap dum lian tawk nen i rawn leng a nih kha. Heater kan ai dun a. Sawi tur pawh kan hre lo. Kan ngawi reng a, kan innuih leh tawp zel a nih kha. Ngawi rengin darkar 3 ngawt kan thu dun a, ka biangah fawpin mangtha tiin kan inthlah ta a nh kha .Kha zan kha ka trah khua tisei thlawn tura bul lo intanna a ni si a. Hria ni ila zawng, ka sawm lul lo ang che.
Hei tunah kum tam a vei tawh a.Kha zan kha nimin ang maiin a la thar reng si a nih hi. Nang ngai leh inthlahlel takin ni ka hmang liam a.khatih hunlai khan Ka hlim a. Ka hlim takzet a ni. A chhan chu, ka kiangah i awm tlat si a.
Mahse he khawvel nun rawng tak hian nang nena kan awmdun chu rem a ti lo a niang e. Khawvel mawina chuan a chimral che a. Hmangaih tawp lova hmangaihtu che hi kalsanin zu leh ruih theihthil i thlang zawk a. Hmeichhiat mipatna duh tawka chenin khawvel lamah i tlan a. Lalpa hnena ka dilpuina che chu ninawmah chang zovin, Kei chu mi hnawl ta a nih kha.
Duhtak, a na ka ti em a ni. Nang nena duhthu kan lo sam zawng zawngte kha a thlawn ta vek si a. A thlawnah i chan tir a, min nghilhin sual kawng chu i thlang ta zawk si a. Duhtak, i ngaihtuah chiang mawlh lo a ni.
Duhtak, a tawp nan hei chauh hi ka sawi nang e. Nang nen kan lendun lai ni khan, ka veng zo tawk lo che a. Boralna kawng i zawh lai khan Pathian hnenah chhanchhuak tur chein i tan vawi khat pawh chaw ngheiin ka dil hek lo. Khawngaih takin min ngaidam mawlh ang che. Ka tling lo em a ni.
Duhtak, He zan dai ruih maiah hian tui takin chhing siai siai la, nunhlui trahna sulhnu hnawk zawngte kha nghilh zai rel dun tawh ang hmiang. Chutin lenlai kan din thar leh anga. Hlimten kan leng dun leh mahna le. Hetah ka tawng lo che nih pawhin pialralah tal nunhlui trawp tak te kha hre tawh lovin kut insuih riala kan len dun theih nan Khuanu ka lo dil nag e. MANGTHA LE.
26.8.2012
No comments:
Post a Comment