A lang tlang dum dûr saw,
A bawm chiai e, romei zamin.
Min zêm khawtlang lunglenin.
Hawi vel ila, tlang tin leh mual tin,
Thlir nin a har ngei, Siamtu kutchhuak.
Suihlunglen ti zual turin,
Lelte a kiu vawng vawng,
Siahthing zarah sirvate'n zai lo sa e.
A hring nghial mai, sawmfång hmun.
Lawm rual hlimten nui zain ka ring e.
Ka lawm pa kha tel ve tak maw?
Siktui thiang an dawn za ngei ang.
Leng dawn tuaii nui ri nen,
Aw liam mai tur panlai nun hi,
Ka phal lul lo, chula uai leh maia'n,
Theih ni se, chelh din reng ka nuam e.
Hai ang ka lo tar ve ngai chuan,
Kei zawng ka sawi bang lawng,
Vanglai nun hlimawm.
Tha thei khawp mai. I va lo pai hnem bik reng reng ve maw le.
ReplyDeleteKan nau të hi mi lungleng thei tak, thu leh hla thiam tak a nihzia, a post hian a tilang chiang mang e!
ReplyDeleteLr pai hnem nang, kan zakthei lo a, ti leh tawp thin lawm he2, Ts i over emai aw, chuan in pahnih chungah ka lawm e
ReplyDelete