Khua chu a duai ruih a, thli chu a thaw vuk vuk a. Chhûm chuan a lungngaihna hriatthiampui niawm takin vanzawla ni chu an lo hliah ve mek bawk a. Khua lah chu a reh hian a reh tlawk tlawk a. Motor tlan thawm ri hriat eih tur pawh a awm hek lo. Bathroom kawngkhar chu a kalh tha em tih a han check tha leh vek phawt a, a inkalh tha vek a ni tih a chian hnu chuan hrui chu muangchangin a han valh a, darthlalangah chuan a han inen a, a hmel chu lungngaihna leh beidawnna nasa tak avangin a thu bul a, a mit khurte chu a tahna a nasat avang leh zan a mut tlem êm avangin a val kulhin a tla dûk tawh a. A heh ro lutuk chu a han liak huh lap a.Hrui chu a nghawngah chuan a han valh a, stool-ah chuan a han ding kàng a, a ngaihtuahnaah chuan thil tam tak a lo lut a. An chhungkuaa hlim taka an nuih lai ni te, a pasal Zuala nena an inneih nî-a an thu chham zawng zawngte chu mitthlaah a rawn cham thar leh uar uar a. Nunhlui engkim mai chu nimin chauha thleng ang mai hian chiang em emin a rawn inlan zut zut hlawm a. A mit khur thuk tak atang chuan mittui lo luang chhuakin, "Aw khang hun hlimawmte kha keiman ka tichhe si amaw.. LALPA min ngaidam rawh.." tiin a phun sep sep a, ngaihdamna chu a beisei pha chuang si lo.
A sam thur bum mai chu a han hui chho thuak a, mahni inten ni awm tak hian a hmel chu a hriat theih a. kum khat chhung lek pawh amah hmangaih em emtu a pasal Zuala lakah pawh rinawm thei lovin thlemna do zo lovin a fanu duat em em hmuh lai ngeia uire chu amah ngei kha a ni si ale. Aw, sual hi chu a va han tenawm tak em! Kha hun kha a ni, beidawnna khura hnûk luttu chu. Nawhreh theih ni se, a zavaia nawhreh a va han duh rua êm! Mahse chu zawng thil theih a ni si lo. Ni e, a taksa ngei hi alawm, ama taksa ngei hi a pasal laka uiretirtu chu. A taksaa bawlhhlawh kaite chu nuai reh vek tum ni áwm takin a han nuai vak vak a, engmah a reh thei si lo, chhungril bawlhhlawh chu pawn lamah nuai reh theih ni lul hek lo.
Hrui chu a aia nghetin a han vuan sauh sauh a, hah em em ni awm takin thawk a han la kawk a, a khawvel lehlam thìh hnu lam ram chu a thlirin a ngaih a ngam chiah si lo. Lehkha, a pasal tana a ziah chu a'n chhiar leh rih a, phatsantu tenawm chu amah ngei chu a ni. Phat rual a ni lo. Phatsantu, mi hur tiin amah leh amah chu a han inbe leh rih thin.
"Khawnge kei phatsantu tenawm hi dam tlak pawh ka ni lo, ngaihdam tlak loh ta sa sa" tia phun mawlh mawlh chungin a nghawnga hrui invalh chu a han pawt nghet sauh a. Stool chu a han tiche a, khuh ri a hre ta tlat mai. A fanu Mambawihi khuma tui taka mu mek chu a ni, engtin nge a mangnghilh theih zawk? A nun hahthlak tak chuan a run hneh ve êm bawk a ni. A mitthlaah chuan a fanu a duat em em, hmangaih tawp lova a hmangaih, Mambawihi a nui lai hmel, a nuih paha a biangsum lo khuar dek thin chu a rawn lang uai uai a, "Ânu, ka hmangaih che" ti-a bia hian a hria a. 'Bawihi, i nu ni tlak ka ni lo' tiin a phun sup a, a biang ki rát maiah chuan mittui a luang ngiai ngiai a.
A kut dâng bula a mittui hruk pah chuan a ngaihtuahna te chuan kil tin a han dap a. A fanu tan nu ni tlak tawh lo mah se, nu mamawh em emtu a fanu duat, Mambawihi chu engtin nge a awm tak ang? Nu tel lova seilian turin engtin nge a kalsan theih tehlul ang ni? He khawvel hrehawm takah hian amah angin phatsantu tenawm a rawn ni ve ang em? Hringnun kawng zawh dik tlat tura, damchhung inchhirna tur thil ti lo tura hrilhtu tur tunge ni ta ang le, tiin a ngaihtuahnaah chuan a rawn inlan zut zut a. Mite'n Mambawihi nu chu a inawkhlum a, tiin sawi ta se, a fanu rilru tur chu a dawn thui ngam lo, a tap ta zawih zawih a.
A sam thur bum mai chu a han hui chho thuak a, mahni inten ni awm tak hian a hmel chu a hriat theih a. kum khat chhung lek pawh amah hmangaih em emtu a pasal Zuala lakah pawh rinawm thei lovin thlemna do zo lovin a fanu duat em em hmuh lai ngeia uire chu amah ngei kha a ni si ale. Aw, sual hi chu a va han tenawm tak em! Kha hun kha a ni, beidawnna khura hnûk luttu chu. Nawhreh theih ni se, a zavaia nawhreh a va han duh rua êm! Mahse chu zawng thil theih a ni si lo. Ni e, a taksa ngei hi alawm, ama taksa ngei hi a pasal laka uiretirtu chu. A taksaa bawlhhlawh kaite chu nuai reh vek tum ni áwm takin a han nuai vak vak a, engmah a reh thei si lo, chhungril bawlhhlawh chu pawn lamah nuai reh theih ni lul hek lo.
Hrui chu a aia nghetin a han vuan sauh sauh a, hah em em ni awm takin thawk a han la kawk a, a khawvel lehlam thìh hnu lam ram chu a thlirin a ngaih a ngam chiah si lo. Lehkha, a pasal tana a ziah chu a'n chhiar leh rih a, phatsantu tenawm chu amah ngei chu a ni. Phat rual a ni lo. Phatsantu, mi hur tiin amah leh amah chu a han inbe leh rih thin.
"Khawnge kei phatsantu tenawm hi dam tlak pawh ka ni lo, ngaihdam tlak loh ta sa sa" tia phun mawlh mawlh chungin a nghawnga hrui invalh chu a han pawt nghet sauh a. Stool chu a han tiche a, khuh ri a hre ta tlat mai. A fanu Mambawihi khuma tui taka mu mek chu a ni, engtin nge a mangnghilh theih zawk? A nun hahthlak tak chuan a run hneh ve êm bawk a ni. A mitthlaah chuan a fanu a duat em em, hmangaih tawp lova a hmangaih, Mambawihi a nui lai hmel, a nuih paha a biangsum lo khuar dek thin chu a rawn lang uai uai a, "Ânu, ka hmangaih che" ti-a bia hian a hria a. 'Bawihi, i nu ni tlak ka ni lo' tiin a phun sup a, a biang ki rát maiah chuan mittui a luang ngiai ngiai a.
A kut dâng bula a mittui hruk pah chuan a ngaihtuahna te chuan kil tin a han dap a. A fanu tan nu ni tlak tawh lo mah se, nu mamawh em emtu a fanu duat, Mambawihi chu engtin nge a awm tak ang? Nu tel lova seilian turin engtin nge a kalsan theih tehlul ang ni? He khawvel hrehawm takah hian amah angin phatsantu tenawm a rawn ni ve ang em? Hringnun kawng zawh dik tlat tura, damchhung inchhirna tur thil ti lo tura hrilhtu tur tunge ni ta ang le, tiin a ngaihtuahnaah chuan a rawn inlan zut zut a. Mite'n Mambawihi nu chu a inawkhlum a, tiin sawi ta se, a fanu rilru tur chu a dawn thui ngam lo, a tap ta zawih zawih a.
Engpawh thleng rawh se, a thinlung lam chuan nung tlak i ni lo, inthat mai rawh tiin rawn nawr tlut tlut mah se, a nih nih ni turin rang takin a nghawnga hrui invalh chu a phelh sawk sawk a, stool atang chuan chhuk thlain, thingthiin a tawngtai a, a tawngtai zawh chuan khuma tui taka mu, a fanu duat em em chu a pan a, "LALPA ka lawm e," ti-a phun sap chungin duat leh hmangaih takin a kuah ta hlu hlu a..
Hlauthawng takin min chhiar tir te te a, a hnuah min nuih tir leh hram e.
ReplyDeleteI ziak lungrun khawp mai.
Ka lawm e, mite i lo chhiar sak thlap2 a.
ReplyDelete".... a kuah ta hlu hlu a." a nalh ka ti riau mai a tawp dan hi! Nu a ni a, pa a ni bawk (Y)
ReplyDeleteA ngaihnawmin zirtir a nei tha khawp mai. Nu, fate chunga mawhphurhna hlen ngam lote hi an lo hmuhsitawm a nih hi! I ti ngawt mai teh ang. :-)
ReplyDeleteAhaha vaiva ka siam tha peih tawh loh nih kha, ka lawm e. TS KA LAWM E
ReplyDeleteA ngaihnawm hle mai....
ReplyDeleteJoseph ka lawm e
ReplyDelete