Ka hua che

I tan chauh tia min tiam chung sia,

Lengdang min chhai san avang khan,

Ka haw ngawih ngawih che a.

Ka nat pawh hlau lo a,

Mahni inthiam chawp chunga, 

Dawt thu min hrilh thin avang khan,

Ka haw ngawih ngawih che a.

Thu tam min tiam chung si a,

Hlen tih ni reng i neih loh avang pawh hian,

Ka haw ngawih ngawih che a.

Duhthu kan sam dun ve zawngte,

I thamral tir mai tak avang pawh hian, 

Ka haw ngawih ngawih che a.

Lem ang min lo der reng a ni tih hre chung pawh a,

Ka lunglai luahtu ber i nih reng si avang hian,

Ka haw ngawih ngawih che a.

Min ngai lo ten leng mah la,

I zunzam min hnutchhiah si avanga.

Sulhnu chhui ka bän theih loh avang pawn ,

Ka haw ngawih ngawih che a.

Natna bak min thlen lo ani tih hre reng chung pawh a.

Ka la hmangaih fo che avang pawh hian.

Keimah pawh ka inhaw ngawih ngawih a sin.