Ka eihmuhna ve, nitina ka thawhna thin restaurantah chuan customer kan neih em em loh avangin thutthlengah thut pahin pawnlam chu ka thlir reng a.
In chhawng sang tak tak kar atang chuan tlai ni tla tur sen phut mai chuan chanmari Biakin chu a chhun eng phut a. A tilang ropui ngei mai. Khawlaiahte chuan mi chitin chitang an vei suau suau a. Mahse chung thilte chuan ka rilru an la lo a. Motor nalh tak takte chu ka awt hek lo.
Mahse thil pakhat, ka rilru ka ngaihtuahna zawng zawng lapengtu chu ka hmu ta tlat mai. Kan dawr zawnah chuan a bike chu a rawn park a, kan dawr chhungah chuan ngawi renga rawn lutin dawhkan kil lamah chuan a thu a. A tha takzet a ni. Ka tehkhin thiam dan ber chu thawnthubu vela a changtupa ang mai hi a ni. Khawi atanga lo kal nge, enge a tih thin tih lam ka ngaihtuah pha lo. Mahse Phu loh leh melh pawh ka melh ngam loh tur ni mah se, a hming ka hriat ve tal chu ka phu ve a ni.
Eng ka ti ta emaw ni, enge a ei duh dawn tia ka zawh laite chuan ka lai a, ka zak a, ka tiril hi a khur ni berin ka hria, a hmel atang leh a thawmhnaw engkim atang chuan mi hausa chhungkua atanga lo seilian a ni tih ka hai lul lo. Mahse hei erawh ka hria,kei restauranta inhlawhfa ve mai mai, sakhmel chhuan tur pawh nei lotan hian rem ve ngai dawn lo mah se, A hming tê chauh ka hriat chu a pawi em em dawn ami le?
A duhte a ei zawh chuan tu emaw phönein a bia a, a kal ta. ni e, a kawppui neih lamah ka buai a ngai lo. Ka buaina tur a ni hek lo. A ni zawng tlangval hmeltha tak a ni si a. Keiin duhtaka ka enlai khan e, vawikhat pawh ka lamah a mit len lo mah se, ka vui lo, mahse hei erawh ka phu ve lawm ni. Sakhming hriat loh tia ka chhal mai loh nan, a hming ngei maia ka thinlunga ka vawn reng theih nana, a hming ka hriat chu.
Hei a lo kal hmasak ber atang khan thla khat dawn chu a vei leh ta. Tlai tin a hun ngaiah amahin a lo kal ziah a, enge a ei thin tih pawh ka hre bel ta bawk e. Biak enah pawh mi en lo mah se,ka vui lova, a tawngkam tha vawi khat tal pawh dawng ila tiin ka beisei ngam hek lo. ka tan chuan a hmel nitina ka hmu thei ringawt pawh chu a hlu em em si a.
Ni a ral a, kum a vei a, amah mai chuan a rawn kal ta lo, tu emaw nen an rawn kal ta thin a. A bula thua, tihlim thintu chu a hmel pawh a tha narawh e. Lal fapa tihlim tur chuan Lal fanu a awm a ngai tlat si alawm. Kei ve mai hian thik thei ka ni lova, thik pawh ka tum hek lo. Ka tan chuan chu arsi chu a lian em atin ni!
Kum thum lai a vei ta, a graduate tawh a ni ngei ang, a rawn kal ta ngai lo. Mahse ka thinlungah hian nitin a rawn kal a, a thutna ngaia thuin eitur a la lam ziah a sin. Vawikhat tal chu rawn kal leh se chuan he ka thinlungah lungdam taka ka hriat reng theìh nan a hming ka zawt tawh ngei ang le.
11.9.2012
In chhawng sang tak tak kar atang chuan tlai ni tla tur sen phut mai chuan chanmari Biakin chu a chhun eng phut a. A tilang ropui ngei mai. Khawlaiahte chuan mi chitin chitang an vei suau suau a. Mahse chung thilte chuan ka rilru an la lo a. Motor nalh tak takte chu ka awt hek lo.
Mahse thil pakhat, ka rilru ka ngaihtuahna zawng zawng lapengtu chu ka hmu ta tlat mai. Kan dawr zawnah chuan a bike chu a rawn park a, kan dawr chhungah chuan ngawi renga rawn lutin dawhkan kil lamah chuan a thu a. A tha takzet a ni. Ka tehkhin thiam dan ber chu thawnthubu vela a changtupa ang mai hi a ni. Khawi atanga lo kal nge, enge a tih thin tih lam ka ngaihtuah pha lo. Mahse Phu loh leh melh pawh ka melh ngam loh tur ni mah se, a hming ka hriat ve tal chu ka phu ve a ni.
Eng ka ti ta emaw ni, enge a ei duh dawn tia ka zawh laite chuan ka lai a, ka zak a, ka tiril hi a khur ni berin ka hria, a hmel atang leh a thawmhnaw engkim atang chuan mi hausa chhungkua atanga lo seilian a ni tih ka hai lul lo. Mahse hei erawh ka hria,kei restauranta inhlawhfa ve mai mai, sakhmel chhuan tur pawh nei lotan hian rem ve ngai dawn lo mah se, A hming tê chauh ka hriat chu a pawi em em dawn ami le?
A duhte a ei zawh chuan tu emaw phönein a bia a, a kal ta. ni e, a kawppui neih lamah ka buai a ngai lo. Ka buaina tur a ni hek lo. A ni zawng tlangval hmeltha tak a ni si a. Keiin duhtaka ka enlai khan e, vawikhat pawh ka lamah a mit len lo mah se, ka vui lo, mahse hei erawh ka phu ve lawm ni. Sakhming hriat loh tia ka chhal mai loh nan, a hming ngei maia ka thinlunga ka vawn reng theih nana, a hming ka hriat chu.
Hei a lo kal hmasak ber atang khan thla khat dawn chu a vei leh ta. Tlai tin a hun ngaiah amahin a lo kal ziah a, enge a ei thin tih pawh ka hre bel ta bawk e. Biak enah pawh mi en lo mah se,ka vui lova, a tawngkam tha vawi khat tal pawh dawng ila tiin ka beisei ngam hek lo. ka tan chuan a hmel nitina ka hmu thei ringawt pawh chu a hlu em em si a.
Ni a ral a, kum a vei a, amah mai chuan a rawn kal ta lo, tu emaw nen an rawn kal ta thin a. A bula thua, tihlim thintu chu a hmel pawh a tha narawh e. Lal fapa tihlim tur chuan Lal fanu a awm a ngai tlat si alawm. Kei ve mai hian thik thei ka ni lova, thik pawh ka tum hek lo. Ka tan chuan chu arsi chu a lian em atin ni!
Kum thum lai a vei ta, a graduate tawh a ni ngei ang, a rawn kal ta ngai lo. Mahse ka thinlungah hian nitin a rawn kal a, a thutna ngaia thuin eitur a la lam ziah a sin. Vawikhat tal chu rawn kal leh se chuan he ka thinlungah lungdam taka ka hriat reng theìh nan a hming ka zawt tawh ngei ang le.
11.9.2012
No comments:
Post a Comment