Tukverh eng ve ve a va hmuh chuan a chhungte an la mu lo tih a hre mai a. Inchhung lam pan ta mai lo chuan, pawn lightin a en phak loh chin an kawt kai maia far thing upa tawh tak hnuaiah chuan a han thu leh te te a.
Chu thlasik thli vawt tak chuan a sam a dar vaw hnap maite chu rawn chhem phe hlep hlepin, a bula thing hnahte chu a chhem ri sung sung a. Vawt tiin khur mah se, a hmelah chuan an inchhung lum pan duhna hmel reng a pu lo.
Khua chu a thiang nuamin,vanlai zawla arsi phe neuh neuhte chuan van zau tak chu a timawi zual hle a, hmar lama arsi awm khawm deuh chu chhumin a bawh paw chiai a, vengchhak lama ktp chrismas hla sa rual dual dualte pawh a hriat vai uai theih a, khawthlang lama thla de tir chuan a hmel lungngai tih hriat taka ngui lep chu a rawn en rui a.
A mit dum val kal mai chu a mittui tling pam mai chuan tipherh nuaiin a sam mawi taka kir chiat thin kha a phengin, a hmel pawisawi lo tak chu a phelh phung a, nui hmel pu sang thin kha, chu thla eng hnuaiah chuan nelawmna reng reng a nei lo.
Meizial chu a han tan a, van lam hawi pah chuan a kaa zu rim nam huam huam chu tih reh vek thei awma mawiin a mei zuk lai chu na takin a han hip vang vang a, a bianga a mittui lo luang chu dan a tum hek lo. A han hui pap a, eng thil tak ngaihtuah ni maw?
Ni e,a la rei lo, darkar 2 erh awrh chauh bak a la liam lo ang.. Mahse tunah chuan,darkar 2 liam taa a thil tih khan a thluak, a ngaihtuahna chu a fan vel mek a nih hi, mahse a pawi zo tawh. A pawi a ni. Nichin lawk kha chuan thian hova partyin,hlim hlawp an bawl a,zu pawh a vawikhat temna chauh a la ni. Mahse eng thil nge thleng ta hi le?,hmeichhe tleirawl kum 16 mi lek tan chuan a chunga thil thleng chu e, a na bikin tawrh thiam a har a sin.
A thianghlimna chu mipa a ngaihzawng pawh ni loin a rui chahthlak laiin duh tawkin a lo tih bawrhban sak a nih chu. A han ngaihtuah chiang a,nikhaw hre miah lova a awm lai khan mipa engzat tak mutpui ang maw? kha party naa mipa awm zawng zawng pawh kha an ni thei, a chalsam chu a han hui chho pap a, a chang leh a han thaw leh vak thin, awmzia a awm chuang lo, a mittui luang chu tawp a tum ta lo em ni tih tur khawpin a luang zung zung a,, chung mittui chuan kha thil rapthlak tak kha tlenfai thei ni se chuan a tap a bang tawh ngei ang le, mahse nawhreh theih a ni tawh lo, a thleng tawh miau si a.
A rilru chuan amah leh amah chu a han inthiam chawp dawn a, a nu leh pa han mawhpuh viau dawn se, an phal vak lo chunga dawt tlem sawia chhuak lui kha a ni si . Ama thiam loh a ni tih chu tumah hrilh ngai lovin a thinlungah chuan a chiang em em si a, a ngaihtuahna chuan a dawn thui zel a,tunah cl 10 a pass ve chauh a ni si a. Mipa ho kha engtin nge ni ta ang? Engtin nge an ngaih tak ang le? Zawhna a va tam rua em! A chhanna lah a tha lo lam hlir lehnghal!
Chutia rilru buai taka a awm lai chuan a ph a rawn ri ral ral a, a nu a lo ni a,
"Mate rawn haw tawh ta che,
Aw ka lo thleng tep lo mu rawh u "
A thutna thing buk hnuai atang chuan phur lo zetin a thova, an in kawngka a thlen chuan an kawngkhar chu zawite a kharin thawm dim takin a room lam a pan a, a nu leh pa rooma thawm lo chhuak chu ngaihthla chiang turin a han ding deuh dat a. A thawm hriat chuan a insum theihna kha thiat darh zual sauhin a mittui chu a ko thla leh ta. A nu chuan a fanu , ama tan ngei chuan a lo tawngtai nih chu.
Mahse e, a nu fanu neihchhun a hmangaih em em chu a nun a kehchhe mek si a ni. Chu Lal thar lo piang tura chu anu leh pa bumin khawvel thil takin a urlawk a, dam chhung hremhmunah a in awk ta si a. A nu tawngtaina chuan engtik niah emaw a hliamte chu a la tidam mahna le.
23.12.2012
Chu thlasik thli vawt tak chuan a sam a dar vaw hnap maite chu rawn chhem phe hlep hlepin, a bula thing hnahte chu a chhem ri sung sung a. Vawt tiin khur mah se, a hmelah chuan an inchhung lum pan duhna hmel reng a pu lo.
Khua chu a thiang nuamin,vanlai zawla arsi phe neuh neuhte chuan van zau tak chu a timawi zual hle a, hmar lama arsi awm khawm deuh chu chhumin a bawh paw chiai a, vengchhak lama ktp chrismas hla sa rual dual dualte pawh a hriat vai uai theih a, khawthlang lama thla de tir chuan a hmel lungngai tih hriat taka ngui lep chu a rawn en rui a.
A mit dum val kal mai chu a mittui tling pam mai chuan tipherh nuaiin a sam mawi taka kir chiat thin kha a phengin, a hmel pawisawi lo tak chu a phelh phung a, nui hmel pu sang thin kha, chu thla eng hnuaiah chuan nelawmna reng reng a nei lo.
Meizial chu a han tan a, van lam hawi pah chuan a kaa zu rim nam huam huam chu tih reh vek thei awma mawiin a mei zuk lai chu na takin a han hip vang vang a, a bianga a mittui lo luang chu dan a tum hek lo. A han hui pap a, eng thil tak ngaihtuah ni maw?
Ni e,a la rei lo, darkar 2 erh awrh chauh bak a la liam lo ang.. Mahse tunah chuan,darkar 2 liam taa a thil tih khan a thluak, a ngaihtuahna chu a fan vel mek a nih hi, mahse a pawi zo tawh. A pawi a ni. Nichin lawk kha chuan thian hova partyin,hlim hlawp an bawl a,zu pawh a vawikhat temna chauh a la ni. Mahse eng thil nge thleng ta hi le?,hmeichhe tleirawl kum 16 mi lek tan chuan a chunga thil thleng chu e, a na bikin tawrh thiam a har a sin.
A thianghlimna chu mipa a ngaihzawng pawh ni loin a rui chahthlak laiin duh tawkin a lo tih bawrhban sak a nih chu. A han ngaihtuah chiang a,nikhaw hre miah lova a awm lai khan mipa engzat tak mutpui ang maw? kha party naa mipa awm zawng zawng pawh kha an ni thei, a chalsam chu a han hui chho pap a, a chang leh a han thaw leh vak thin, awmzia a awm chuang lo, a mittui luang chu tawp a tum ta lo em ni tih tur khawpin a luang zung zung a,, chung mittui chuan kha thil rapthlak tak kha tlenfai thei ni se chuan a tap a bang tawh ngei ang le, mahse nawhreh theih a ni tawh lo, a thleng tawh miau si a.
A rilru chuan amah leh amah chu a han inthiam chawp dawn a, a nu leh pa han mawhpuh viau dawn se, an phal vak lo chunga dawt tlem sawia chhuak lui kha a ni si . Ama thiam loh a ni tih chu tumah hrilh ngai lovin a thinlungah chuan a chiang em em si a, a ngaihtuahna chuan a dawn thui zel a,tunah cl 10 a pass ve chauh a ni si a. Mipa ho kha engtin nge ni ta ang? Engtin nge an ngaih tak ang le? Zawhna a va tam rua em! A chhanna lah a tha lo lam hlir lehnghal!
Chutia rilru buai taka a awm lai chuan a ph a rawn ri ral ral a, a nu a lo ni a,
"Mate rawn haw tawh ta che,
Aw ka lo thleng tep lo mu rawh u "
A thutna thing buk hnuai atang chuan phur lo zetin a thova, an in kawngka a thlen chuan an kawngkhar chu zawite a kharin thawm dim takin a room lam a pan a, a nu leh pa rooma thawm lo chhuak chu ngaihthla chiang turin a han ding deuh dat a. A thawm hriat chuan a insum theihna kha thiat darh zual sauhin a mittui chu a ko thla leh ta. A nu chuan a fanu , ama tan ngei chuan a lo tawngtai nih chu.
Mahse e, a nu fanu neihchhun a hmangaih em em chu a nun a kehchhe mek si a ni. Chu Lal thar lo piang tura chu anu leh pa bumin khawvel thil takin a urlawk a, dam chhung hremhmunah a in awk ta si a. A nu tawngtaina chuan engtik niah emaw a hliamte chu a la tidam mahna le.
23.12.2012
No comments:
Post a Comment