Krismas thlen nan kar khat chiah a awm tawh tihah chuan ka fanu kum 4 mi, cherry nen chuan apa lo haw hmuah pahin kan verandaah chuan sikri aiin kan thu dun rial a.
Zan boruak chu a thiang nuamin vante chu a thiang mawi em em a. Current kan neih loh avangin arsi te chu an lang chiangin, thli thaw heuh heuhte, boruak vawt vur maite chuan Krismas rim a nam tir rum rum thei hial a ni.
Cherry nen chuan arsi te chu kawk kual pahin a hmingte kan phuah dun a. Mahni fate bulah chuan kan naupang tha leh hi a ni ringawt zel a nih hi. Chhak lama arsi eng bik em em mai, Chawngmawii tia an vuah chu boihtei chuan nalh a tive ngang a ni ang. "anu khi khi cherry ti ang aw. Keima ta tur" a ti a. Kan tleirawl ve deuh laia kan thian hova arsi kan inchuh thnte kha min tihre chhuak zawk mai.
A pa lo haw har nen, current awm lo bawk nen, apa nghah pah chuan thawnthute kan sawi a. Isua lo pian dan, berampute leh khawchhak mifingte chu arsi in Isua pianna ranin thleng a hruai thute, mifingte chuan an neih hlu ber ber an pek thu te chu ka hrilh melh melh lai chuan Bawihi chu ka han en a, a mutchhuah a hun tawh teh lul nen ngaihnawm ti tak hian a ngaithla reuh a. I mut a chhuak tawh em tia ka zawh chuan mutchhuak hmel pawh a pu lo.
Chutia thawnthute kan sawi lai chuan current rawn awmin,bawihi pa pawh chu in a rawn thleng ve nghal chu a ni mai a. Kan bulah sikri chu rawn ai vein, bawihi pawh chuan arsi te chu kawh pahin a bula thawnthu ka sawite chu a pa a lo hrilh nghal siam siam a.
"a pa khi arsi khi cherry a ni tawh nia aw" tih pah chuan a pa chu arsi chu a kawhhmuh a.
Pa khi arsi khi kan in zawnah a din tlat chuan Isua kha a lo kal duh ang tiraw, a eng bik bawk si a. Pa ihmaw Isua a lo kal chuan ka infiampui dawn nia aw. Mahse a pianna a rei tawh sia. Ka infiampui thei tawh miah lo ang. Pa Nangmah ang chen a ni tawh ang tiraw."
Bawihtei chu a han ngawi vang vang a. A pa chuan enge a chhan a han zawh chuan.
Ka naute duhtak chuan tihian a ti vei reuh a,
"pa, nu, engmah rohlu tawk ka nei ve bawk si lova, Isua chuan min kawm ve duh tho angem le. Berampute chuan thinlung an hlan a.Mifingte pawn rangkachakte an pe bawk si a. Kei chuan thinlung pek tur ka nei si lova, rangkachakte ka nei ve bawk si lo.Isua chuan vanramah min hruai ve duh lo mai anga.nu, ka teddy bear Ka ui ber hi ka pe anga. Ticuan Vanramah min hruai duh ve ang tiraw. Pa min lo dilpui ve rawh aw "tiin.
A pa chuan Bawihtei pawm pah chuan, tihian a hrilh ta a.
"Boihte, thinlung chu i nei alawm. i teddy bear i ui ber pek i duhna kha i thinlung atanga chhuak chu a ni a sin. . "
4.12.2012
Zan boruak chu a thiang nuamin vante chu a thiang mawi em em a. Current kan neih loh avangin arsi te chu an lang chiangin, thli thaw heuh heuhte, boruak vawt vur maite chuan Krismas rim a nam tir rum rum thei hial a ni.
Cherry nen chuan arsi te chu kawk kual pahin a hmingte kan phuah dun a. Mahni fate bulah chuan kan naupang tha leh hi a ni ringawt zel a nih hi. Chhak lama arsi eng bik em em mai, Chawngmawii tia an vuah chu boihtei chuan nalh a tive ngang a ni ang. "anu khi khi cherry ti ang aw. Keima ta tur" a ti a. Kan tleirawl ve deuh laia kan thian hova arsi kan inchuh thnte kha min tihre chhuak zawk mai.
A pa lo haw har nen, current awm lo bawk nen, apa nghah pah chuan thawnthute kan sawi a. Isua lo pian dan, berampute leh khawchhak mifingte chu arsi in Isua pianna ranin thleng a hruai thute, mifingte chuan an neih hlu ber ber an pek thu te chu ka hrilh melh melh lai chuan Bawihi chu ka han en a, a mutchhuah a hun tawh teh lul nen ngaihnawm ti tak hian a ngaithla reuh a. I mut a chhuak tawh em tia ka zawh chuan mutchhuak hmel pawh a pu lo.
Chutia thawnthute kan sawi lai chuan current rawn awmin,bawihi pa pawh chu in a rawn thleng ve nghal chu a ni mai a. Kan bulah sikri chu rawn ai vein, bawihi pawh chuan arsi te chu kawh pahin a bula thawnthu ka sawite chu a pa a lo hrilh nghal siam siam a.
"a pa khi arsi khi cherry a ni tawh nia aw" tih pah chuan a pa chu arsi chu a kawhhmuh a.
Pa khi arsi khi kan in zawnah a din tlat chuan Isua kha a lo kal duh ang tiraw, a eng bik bawk si a. Pa ihmaw Isua a lo kal chuan ka infiampui dawn nia aw. Mahse a pianna a rei tawh sia. Ka infiampui thei tawh miah lo ang. Pa Nangmah ang chen a ni tawh ang tiraw."
Bawihtei chu a han ngawi vang vang a. A pa chuan enge a chhan a han zawh chuan.
Ka naute duhtak chuan tihian a ti vei reuh a,
"pa, nu, engmah rohlu tawk ka nei ve bawk si lova, Isua chuan min kawm ve duh tho angem le. Berampute chuan thinlung an hlan a.Mifingte pawn rangkachakte an pe bawk si a. Kei chuan thinlung pek tur ka nei si lova, rangkachakte ka nei ve bawk si lo.Isua chuan vanramah min hruai ve duh lo mai anga.nu, ka teddy bear Ka ui ber hi ka pe anga. Ticuan Vanramah min hruai duh ve ang tiraw. Pa min lo dilpui ve rawh aw "tiin.
A pa chuan Bawihtei pawm pah chuan, tihian a hrilh ta a.
"Boihte, thinlung chu i nei alawm. i teddy bear i ui ber pek i duhna kha i thinlung atanga chhuak chu a ni a sin. . "
4.12.2012
No comments:
Post a Comment