"Aw a va nuam em
Kan run chhung,
Lalpa chenna...... vanram a chang thin."
tih hla ka phone ami zai chu mut pahin ka ngaithla a, a hla thu chuan min vel a, ka mittui luangthla hi ka dang zo mawlh lo, Lalpa nang ka ngaih che a va zual tak em.Lalpa he khawvela vanram ka lo beisei ve thin, chhungkaw hlim tak chu ka tan chuan mumang ang mai chauh an ni si a. Mite chuan he khawvelah pawh vanram an tem lawk thin a, an chhungkuaah nang i lal ber a tin ni., kan runah erawh i tan hmun a tlem lua e. Sual chuan hmun zawng zawng a awh zo si a. Ni e, Lalpa i chenna chhungkua chu a nuam a, fate pawhin nu leh pa bulah awm an chakin inchhung pawh an thlahlel thin. Nu leh pa tan fate thlakhlelhna bak thil hlu dang a awm chuang hek lo. Kristian chhungkua chuan nitin i ram nuam chu a tem lawk si a.
Anih keini chhungkua ve thung hi e, Lalpa kan dam kim ve si lo, khawvel sualna chuan min chimpil mek a, pa berin zu a in a, naupang tan pawh thlamuang taka awm nan kan in riangvai tak chu a tlak ve si lo, in ai chuan khawlai nuam an ti zawk asin.. Chhung inkhawmte chu khawilam, chaw pawh kan eirual mang ngai lo zawk si a. Kan hmaa inchhawp chu hremhmun a ni ringawt, chhungkua a tlaran a, retheih lah a zual sawt bawk si, mite hmuhsit leh ngaihnep kan hlawh a,kan tan chuan mi zinga awm pawh a nuam ta lo. Chu chuan sual avanga thlei bik awm lohna ram, rethei leh hausa ang khata kan lenna hmun tur Lalpa i ram chu mi va ngaih zual tir em! I ram ngaiin ka tah hial tak hi.
Kan inchhung hrehawm sual thuneihna ram chu ningin pawn ka han dak chhuak a, hlimna a awm mial mahna tiin ka vak kual vel a, mahse chutah pawh hlimna a awm chuang lo, nuam viauin lang mah se, a tawp erawh lungngaihna leh tahna thlentu mai chauh a lo ni. Lalpa sual avanga ka rumna ram atang hian,sualna ten min tihbuai tawh lohna ram, i ram nuam chu ka van ngai zual tak em!
He khawvel mite nun par vulna ram, ka tan erawh hremhmun mai chu vanram a chang ve thei mial mahna tiin min hnemtu tur zawngin hmangaihna chu a umin ka um a, ka tawng ve hlawl mai, a tir chuan ka hlim ve viau a,hlimni ka tawng ve ta tiin au vak vak ka nap thin, mahse e chu pawh chu Lalpa i tel lo chuan ka thinlung ka puma na taka min hliamtu mai chauh a lo ni si. LALPA hmangaihte nen hlim taka tual khata kan len za na tur miten Vanram tia an sawi fo thin, i ram nuam chu ka va ngai tak em!
Lalpa i ram nuam chu engtiang taka mawi tur nge ka suangtuah pha lo a, suangtuah dan lah ka thiam hek lo. A bul velte chu rangkachak leh lunghlute'n a khat ngei ang le. Mahse chung zawng ai chuan i hmangaihna angchhung nuamah ka len hun tur ka dawnin chu chuan i ram min tingai zual zawk a sin. Chutah chuan lei hrehawm zawng hnutiang chhawnin, riltam leh tuihal a awm tawh lo anga, lungngaih leh tahna zawng a bo tawh dawn si a.
27.12.2012
Kan run chhung,
Lalpa chenna...... vanram a chang thin."
tih hla ka phone ami zai chu mut pahin ka ngaithla a, a hla thu chuan min vel a, ka mittui luangthla hi ka dang zo mawlh lo, Lalpa nang ka ngaih che a va zual tak em.Lalpa he khawvela vanram ka lo beisei ve thin, chhungkaw hlim tak chu ka tan chuan mumang ang mai chauh an ni si a. Mite chuan he khawvelah pawh vanram an tem lawk thin a, an chhungkuaah nang i lal ber a tin ni., kan runah erawh i tan hmun a tlem lua e. Sual chuan hmun zawng zawng a awh zo si a. Ni e, Lalpa i chenna chhungkua chu a nuam a, fate pawhin nu leh pa bulah awm an chakin inchhung pawh an thlahlel thin. Nu leh pa tan fate thlakhlelhna bak thil hlu dang a awm chuang hek lo. Kristian chhungkua chuan nitin i ram nuam chu a tem lawk si a.
Anih keini chhungkua ve thung hi e, Lalpa kan dam kim ve si lo, khawvel sualna chuan min chimpil mek a, pa berin zu a in a, naupang tan pawh thlamuang taka awm nan kan in riangvai tak chu a tlak ve si lo, in ai chuan khawlai nuam an ti zawk asin.. Chhung inkhawmte chu khawilam, chaw pawh kan eirual mang ngai lo zawk si a. Kan hmaa inchhawp chu hremhmun a ni ringawt, chhungkua a tlaran a, retheih lah a zual sawt bawk si, mite hmuhsit leh ngaihnep kan hlawh a,kan tan chuan mi zinga awm pawh a nuam ta lo. Chu chuan sual avanga thlei bik awm lohna ram, rethei leh hausa ang khata kan lenna hmun tur Lalpa i ram chu mi va ngaih zual tir em! I ram ngaiin ka tah hial tak hi.
Kan inchhung hrehawm sual thuneihna ram chu ningin pawn ka han dak chhuak a, hlimna a awm mial mahna tiin ka vak kual vel a, mahse chutah pawh hlimna a awm chuang lo, nuam viauin lang mah se, a tawp erawh lungngaihna leh tahna thlentu mai chauh a lo ni. Lalpa sual avanga ka rumna ram atang hian,sualna ten min tihbuai tawh lohna ram, i ram nuam chu ka van ngai zual tak em!
He khawvel mite nun par vulna ram, ka tan erawh hremhmun mai chu vanram a chang ve thei mial mahna tiin min hnemtu tur zawngin hmangaihna chu a umin ka um a, ka tawng ve hlawl mai, a tir chuan ka hlim ve viau a,hlimni ka tawng ve ta tiin au vak vak ka nap thin, mahse e chu pawh chu Lalpa i tel lo chuan ka thinlung ka puma na taka min hliamtu mai chauh a lo ni si. LALPA hmangaihte nen hlim taka tual khata kan len za na tur miten Vanram tia an sawi fo thin, i ram nuam chu ka va ngai tak em!
Lalpa i ram nuam chu engtiang taka mawi tur nge ka suangtuah pha lo a, suangtuah dan lah ka thiam hek lo. A bul velte chu rangkachak leh lunghlute'n a khat ngei ang le. Mahse chung zawng ai chuan i hmangaihna angchhung nuamah ka len hun tur ka dawnin chu chuan i ram min tingai zual zawk a sin. Chutah chuan lei hrehawm zawng hnutiang chhawnin, riltam leh tuihal a awm tawh lo anga, lungngaih leh tahna zawng a bo tawh dawn si a.
27.12.2012
No comments:
Post a Comment