Inrinni a ni a, naupang khawmpui a hnaih tawh avangin ka fate pawh chang zir turin Biakinah an kal vek hlawm a,keipawh hna trul ang angte ka tihzawh hnu chuan ka tihdan pangngai angin treasury lama bazar turin Bungah chuan ka chho bek bek a.
Nang nena kan lo thut dunna thin ngei mai, kan thingkung hnuaiah chuan ka han thu hahchawl leh a. Thlang lam kawna naupang chang zir thawm leh, workshopa thingzai khawl ri ruai ruaite, treasury lama motor pit thawmte chu ka ralkhat hriat ruai ruai a. Bunga thlamuang taka ka thut lai hi chuan Aizawl khawlum lutuk leh uap churh mai kalsana ngaw dai nuam em ema awm ang mai hian ka inchan thin.
Arm veng chung velah chuan mu vanlai an leng der der a,Thlifim lo thaw heuh heuhte chuan ka bul vela thing hnah leh maute chu a chhem ri seng seng a, khawlum tak kara chhemdam thli lo thaw heuh heuhte chuan nunhlui zunzam rawn kengin, chu zun chuan mi fan vel a..Hmana nang nena kan nun kha ka hmaah an rawn inlan zut zut a. Ka khawharzia min hriatchhuah tirin nutling a pumpa hi min hliam a, naupang ang maiin min trah tir thin a nih hi.
Honey, enteh, he mi hnuaiah ngei hian nang nen inthen leh tawh ngai lo turin thu kan tiam dun a. Hlim takin nun bul kan tran dawn chauh emaw ka tih laiin nang chuan min kalsan ta a nih kha. Kan thutiam min hriatpuitu thingte pawh a ngai ngaiin an la ding asin. Honey, i tel lova ka nunkhua hrehawm zia hi min hriatpuitu an ni a sin. Tawng thei ve se zawng,kumkhua ti chung sia i kal hma lutuk hi dem chein an thiam tawp lo vang che.
Honey, hmanah khan kan nunkhua tinuama tihlim turin Chung Pathianin malsawmna min vur a, fanau rochan tha tak tak min pe a, mahse chu pawh enkawl lovin min kalsan ta a nih kha. A na a sin, i tel lo chuan ka khawvel hi a tawp hmuk a, thim chhah tak hian min hual mup mup ni berin ka hria.
Honey i kal ni khan e,hmabak beiseina ka neih ve zawng zawng chu a lo bo zova, Ka hmaa leihlawn rahbi inchhep pawh chu ka hmu fiah thei hek lo, thih mai ka chak a, damlai thlanthim ka bel tak meuh meuh a ni. i fate Pa tel lova an seilian tur chu ka ngaingam lova, i tel lova enkawl seilian turin nu tha leh fel ka ni hek lo.
Honey, thihna hi chu a van rawng teh lul em tiraw, a tir kha chuan he khawvel hi ka hua a. Keipawh ka inhua a, he khawvel chhuahsana i hnena kal ve mai kha ka chak rum rum thin. Mahse lo thi ve ta ila, kan fate hi engtin nge ni ta ang? chu chauh chuan min dam tir hram zel zawk a sin.
Mahse Honey,Hun leh nite lo ral zelah hian hei hi ka lo hriat hmaih reng thin tih ka hre tawh a ni. Keimah chauh ka lo inhmangaih tih hi. I hlimna tawmpui lovin ka hlimna chauh ka lo ngaihtuah a, keimah chauh ka lo inngaihtuah thin tih hi. Nang chu an sawi inthen awm tawh lohna Vanramah Lalpa nena leng dunin hlim takin i nun i hmang tawh a. Chu hmuna kal ve ngei tur chuan min duh dawn tih ka chiang a ni. A chhan chu ka hmangaih tluk zetin min hmangaih ve si a.
Ni e. He khawvel hahthlak takah hian nun beidawn ram ram changte hian Pathian meuh pawh dem hial ka ching thin. Mahse Lalpa chuan Pa tel lo pawha naupang enkawl zo thei khawpa huaisenna nei ka nih avang leh, keimah chauh pawn dingchhuak thei nia min ngaih avangin nang chu a hnenah a kal tir ta che a nih kha.
Honey,Vanramah chuan Lalpa nena titi in ka chanchin hi zawt ve thin che in ka ring che a. LALPAN i ai a awh thu leh ka fate chu hmangaih taka ka enkawl thute a sawi ngeiin ka ring a ni. Nu tha leh fel tak ni lo mah ila, honey, chhuang taka 'hei hi ka nupui a nih hi' i tih ngei theih nan ka theihtawp ka chhuah tak meuh meuh a ni.
Eng pawh chu ni se, kan nun kha ka tan chuan vawiin ang reng a la ni a. He lei chhuahsana i hnena kan lo kal ve hunah chuan i fate chanchin ka la hrilh che anga, an tet laia an chanchin nuihzatthlak tak takte ka sawi hun chuan hlimin i nui ve bawk bawkin ka ring a ni. Tichuan kut insuih rialin i tel lova ka nunkhua chu i hnenah i tranga bei ngei chungin thlamuang takin ka hrilh nang che..
15.9.2012
Nang nena kan lo thut dunna thin ngei mai, kan thingkung hnuaiah chuan ka han thu hahchawl leh a. Thlang lam kawna naupang chang zir thawm leh, workshopa thingzai khawl ri ruai ruaite, treasury lama motor pit thawmte chu ka ralkhat hriat ruai ruai a. Bunga thlamuang taka ka thut lai hi chuan Aizawl khawlum lutuk leh uap churh mai kalsana ngaw dai nuam em ema awm ang mai hian ka inchan thin.
Arm veng chung velah chuan mu vanlai an leng der der a,Thlifim lo thaw heuh heuhte chuan ka bul vela thing hnah leh maute chu a chhem ri seng seng a, khawlum tak kara chhemdam thli lo thaw heuh heuhte chuan nunhlui zunzam rawn kengin, chu zun chuan mi fan vel a..Hmana nang nena kan nun kha ka hmaah an rawn inlan zut zut a. Ka khawharzia min hriatchhuah tirin nutling a pumpa hi min hliam a, naupang ang maiin min trah tir thin a nih hi.
Honey, enteh, he mi hnuaiah ngei hian nang nen inthen leh tawh ngai lo turin thu kan tiam dun a. Hlim takin nun bul kan tran dawn chauh emaw ka tih laiin nang chuan min kalsan ta a nih kha. Kan thutiam min hriatpuitu thingte pawh a ngai ngaiin an la ding asin. Honey, i tel lova ka nunkhua hrehawm zia hi min hriatpuitu an ni a sin. Tawng thei ve se zawng,kumkhua ti chung sia i kal hma lutuk hi dem chein an thiam tawp lo vang che.
Honey, hmanah khan kan nunkhua tinuama tihlim turin Chung Pathianin malsawmna min vur a, fanau rochan tha tak tak min pe a, mahse chu pawh enkawl lovin min kalsan ta a nih kha. A na a sin, i tel lo chuan ka khawvel hi a tawp hmuk a, thim chhah tak hian min hual mup mup ni berin ka hria.
Honey i kal ni khan e,hmabak beiseina ka neih ve zawng zawng chu a lo bo zova, Ka hmaa leihlawn rahbi inchhep pawh chu ka hmu fiah thei hek lo, thih mai ka chak a, damlai thlanthim ka bel tak meuh meuh a ni. i fate Pa tel lova an seilian tur chu ka ngaingam lova, i tel lova enkawl seilian turin nu tha leh fel ka ni hek lo.
Honey, thihna hi chu a van rawng teh lul em tiraw, a tir kha chuan he khawvel hi ka hua a. Keipawh ka inhua a, he khawvel chhuahsana i hnena kal ve mai kha ka chak rum rum thin. Mahse lo thi ve ta ila, kan fate hi engtin nge ni ta ang? chu chauh chuan min dam tir hram zel zawk a sin.
Mahse Honey,Hun leh nite lo ral zelah hian hei hi ka lo hriat hmaih reng thin tih ka hre tawh a ni. Keimah chauh ka lo inhmangaih tih hi. I hlimna tawmpui lovin ka hlimna chauh ka lo ngaihtuah a, keimah chauh ka lo inngaihtuah thin tih hi. Nang chu an sawi inthen awm tawh lohna Vanramah Lalpa nena leng dunin hlim takin i nun i hmang tawh a. Chu hmuna kal ve ngei tur chuan min duh dawn tih ka chiang a ni. A chhan chu ka hmangaih tluk zetin min hmangaih ve si a.
Ni e. He khawvel hahthlak takah hian nun beidawn ram ram changte hian Pathian meuh pawh dem hial ka ching thin. Mahse Lalpa chuan Pa tel lo pawha naupang enkawl zo thei khawpa huaisenna nei ka nih avang leh, keimah chauh pawn dingchhuak thei nia min ngaih avangin nang chu a hnenah a kal tir ta che a nih kha.
Honey,Vanramah chuan Lalpa nena titi in ka chanchin hi zawt ve thin che in ka ring che a. LALPAN i ai a awh thu leh ka fate chu hmangaih taka ka enkawl thute a sawi ngeiin ka ring a ni. Nu tha leh fel tak ni lo mah ila, honey, chhuang taka 'hei hi ka nupui a nih hi' i tih ngei theih nan ka theihtawp ka chhuah tak meuh meuh a ni.
Eng pawh chu ni se, kan nun kha ka tan chuan vawiin ang reng a la ni a. He lei chhuahsana i hnena kan lo kal ve hunah chuan i fate chanchin ka la hrilh che anga, an tet laia an chanchin nuihzatthlak tak takte ka sawi hun chuan hlimin i nui ve bawk bawkin ka ring a ni. Tichuan kut insuih rialin i tel lova ka nunkhua chu i hnenah i tranga bei ngei chungin thlamuang takin ka hrilh nang che..
15.9.2012
No comments:
Post a Comment