Thian hluite nen chaw ei khawm kan han rawt chu a hlawhtling thei tawh dawn lo emaw kan tih hnuah kan puitlin thei ta hram a,kan insawm khawm chhung rei viau mah se,a nía kan han inhmu khawm chiah chu a hlimawm dangdai hle mai, keipawh a tir kha chuan phur sateh lo mah ila, hmana ka hmangaih ni thin, ka hmangaih hmasa ber ni bawk kha a tel ve dawn a ni tih ka hriat avang khan kal ka chak ta em em a nih kha, kum 8 lai liam tawh hnu ami kha tawn leh ka chak em atin ni.
Thian hluite nena kan han inhmu khawm chu kan hlim nak nak hle, kan hmelte a lo dang tawh hlawmin, puitling tak tawh, hnate pawh nei thriau tawhte an lo ni hlawm a, thenkhatin nupui pasalte an lo nei tawh bawk a, hmana ka hmangaih pawh kha kan han titi liam liam takah chuan patling a lo ni ve reng tawh mai, chu thu ka hriat chiah chuan keipawh thlaleh lama pasal nei mai tawh tur ni mah ila, ami deh dan a la dang zar mai zu nia.
Eng eng emaw sawia kan nuih ho dar dar lai chuan "Te" tia ka koh thin ngei mai kha ka bulah rawn thu in zu rim a nam chem chem a, a mak lutuk, a hu hang chu a la na reng mai, a aw thum deuh dut zawi sap mai chuan "inhmuh a va khat ve, i dam maw" a rawn ti a,nula pangngai tak ni tawh mah ila, tleirawl ang maiin ka zak thar leh a nih chu. Ka hmaite chu sa hut hut mai hian ka hria a,ka aw te chu a lai deuh rutin ka hre leh nghal, he ka thinlung ata hi lakbo a lo la ni reng reng lo a nih hi.
Kil khatah chuan kan hmanlai nunte kha sawiin kan ti ti dun a,tui taka a ti ti laite chuan ka han en thin a, hman ang tho kha a la ni, a danglamna chu tlemin a thau hret tawh tih mai loh chu, a tawngkam engkim mai chuan mi hneh em em zel a, kum 8 hma lam ang mai khan amahah chuan ka luangliam tha leh hi a ni ringawt, engtin nge ka tih tak ang le, ka mualpho zo tak ngial dawnin ka hria,
Kan ti ti laia kan mit intawng leh zeuh zeuh thin chuan min timur sung sung thei khawpin a mitmeng chuan mi la run a, a awma va bei thlawp mai ania ka duh rum rum,ka thinlung chuan ka la hmangaih a ni tih hi min hrilh mawlh mawlh a, ka chhia leh tha hriatna te chuan theihnghilh rawh i tan a tha lo hmangaih dang i neih tawh kha, haw vat mai rawh tiin min lo tur ve sek bawk a, mahse inlamlet thei ka ni tawh lo, kha kum 8 ral taah khan a hmel vawikhat tal hmuh tumin ka bei thin a, mahse a rem thin lo a nih kha, hei tunah kum 8 chhung zawnga ka lo zawn ruk thin ngei kha ka bulah rilru inpawh takin insi chialin kan thu a ni si a, engtin nge ka hawsan phal tawh lul ang le. Ka chungah eng rilru tak pu ve tak ang maw?
Ni a tla a,zan boruak dai tak hnuaia kan awmna room light dim ruih hnuaiah chuan Air supply hla, Unchained melody chu an play ri riai riai a, ani chuan pawnah min chhuahpuiin kawta thingbuk te reuh te hnuaiah chuan a rawmawl chu phahin min thut tir a,sawi tur leh zawh tur tam tak chu ka nei, mahse engmah ka sawi thei si lo,ngawi renga thuin ka darah chuan a rawn kuah a, chu pawh ka hnial thei ta si lo. Hmeichhe chak tak ka nih thin nen zanin hian ka chak ta lo a ni.
Ni e, hemi zawha thil thleng tur pawh hi ka rilru chuan a hria a sin, mahse ka haider lui tlat si a ni. A zun chuan mi zem å a, dawithiam in a magic spell hmanga mi a tiche thei lo tlat ang mai hian min hipbet tlat ta a nih hi. Ka rilruah chuan thil tam tak a lo lut a, naktuk lamah chuan ka inhua ang a, mi lepchiah leh mi lerh tak ka ni tiin ka indem ngei ang. Ka induh vena chu paithlaka awmin, ani ngei pawh hian engtin nge min ngaih tak ang le? A hmangaihna chhe te pawh ka dawng pha tawh awm si lo,kei pasal nei mai tur lehnghalin tlangval pawh ni lo, pa tawh leh nghal zuna ka uai chu, damchhung pawhin ka inthiam thei tawh kher lo ang le.
Ni e,a nih nih chu ni rawh se, thil dik a ni lo tih pawh ka hria, naktuk lam thil thleng tur lam ka ngaihtuah lo. Enge ni vei, vawikhat ka dam mana ka hmangaih ber bula zan khat tal ka hmang chu sual phahna ram ram ni mah se, ka thinlung chuan hnar rual lohvin mi nawrlui ta si a, ka chhia leh tha hriatna hmang thei lek lovin a zun chuan min zem å ta vek a tin ni.
Zawitein ka khabeah dawm kangin lungchim takin min fawp ta, thil dang zawng zawng chu
ka ngaihtuahna ata dah bo zovin, zanin atan chauh ka hmangaih ber chu rilrua he thu
I May Hate Myself in the morning,
But,im gonna love you tonite tih hi sawi mawlh mawlh pahin ka thiam ang tawkin ka chhang let ve ta a
No comments:
Post a Comment