Zan dar 8 vel a ni tawh ngei ang,khawchhunga bus service pawh a awm tawh lo. Hrangbana college kawtah chuan tleirawl kum 20 mi vel hi nghah nei ni awm takin a ding a. Motor engin a hmel a rawn chhun thin chu hliah tum ni awm takin a sam chu hma lamah a uai thlak tir hnuang a. A hmel tlem te lo lang thin chuan a hmelchhe vak loh tih chu a hriat theih mai a. A incheina pawh chu a nalhin a pianin a zir bawk a, a inhmeh ngei mai. A kuta a hum reng, a phone chu a han en leh thin a. Eng tak nghak ni maw?
Chutih lai chuan chanmari Biakin lamah chuan crusade an nei emaw ni, an zai thawm leh khuang inrawn tlut tlut thawmte chu a hriat theih a. Zai a nawm hmelin an hallelui ri pawh a ring ngei mai.
Chu tleirawl pawh chu a dinna sawnin Biakin hnuai lam chu a thim zawk avangin a phei a. Chutia mahni chauha a din lai chuan Ph call a lo kal a, Ph atang aw a hriat chuan dar 9 velah a rawn thlen hman dawn chauh thu a rawn sawi a. A la nghah fan fan chu a ngai dawn a ni.
Biakin thawm chu ngaithla pahin a thim lai berah chuan a thu ran a. Thusawitu a lo ding a, thiam takin thu a sawi a, chung thusawi tha tak takte chu a bengah chuan a luh loh hmel hle. A phonea msg type mawlh mawlh pahin Ning hmel tak hian a vei tawn kual sek a, a awm hle hle thei tawh lo. Zana mahni chauha din takah chuan a rei duh bawk dawn em atin ni.
Thusawitu chuan thiam takin thu a sawi zel a, "Unau eng anga sual pawh ni la, Lalpan a ngaidam duh che a, a hnena kir turin a sawm reng che a ni, kei chu min duh tawh lo ang. Ka sual em alawm i ti a ni thei.mahse I sual kha sim turin a duh che a, tuna i dinna tlang atang khan dinhmun ropui zawka dah che a duh a sin. I nun a beidawngin mite hmuhsit leh en hrek hrek i tawk ami, chung zawng zawng chu a siam tha theitu Lalpa Isua a awm a ni. I awm ang ang khan lo kal la, a ni chuan a lo pawm ang che. Lalpan a hmangaìh che"
chu a thusawi chuan chu tleirawl chu engemaw takin a fan a, a tun dinhmun engkim chu a han ngaihtuah let a.a nun chuan Lalpa a ngai a ni. thusawituin thu a sawi zawh chuan zaipawl zaiin."KA AWM ANGIN KA LO KAL ANG" tih chu thiam takin an sa a. A mittui a dang thei tawh lo, biakin hnuai atang chuan a tap zawih zawih a, a awm ang anga Lalpa panin a thingthi a. Lalpa min ngaidam rawh tiin a phun sep sep a. A tawngtaina chu chhanin a awm ta.
Inkhawm ban hla an sak lai chuan Chanmari kawnah chuan Car sen a rawn tlan a, chu tleirawl chuan amah rawn lamtu tur a nih tih hria in a va pan phei a,a khalh tupa patling tawh tak chuan" Bawihi ka rawh le, hotel i duhna ber a ni mai" a rawn tivei phaw phaw a. Chu tleirawl chuan hlim nuisang leh mittui parawl kuang chung chuan car kawngka a tana inhawng sa diam chu khar pahin," ka lo kal lo mai ang e. Hotela nang nen kan riak dun thei ta lo. ISUA nen inah kan haw dawn" tiin a kalsan ta . Chu pa chuan hrilhai leh mak ti takin chu tleirawl hmeltha em em mai chu a en zui ta vawng vawng a.
15.10.2012
Chutih lai chuan chanmari Biakin lamah chuan crusade an nei emaw ni, an zai thawm leh khuang inrawn tlut tlut thawmte chu a hriat theih a. Zai a nawm hmelin an hallelui ri pawh a ring ngei mai.
Chu tleirawl pawh chu a dinna sawnin Biakin hnuai lam chu a thim zawk avangin a phei a. Chutia mahni chauha a din lai chuan Ph call a lo kal a, Ph atang aw a hriat chuan dar 9 velah a rawn thlen hman dawn chauh thu a rawn sawi a. A la nghah fan fan chu a ngai dawn a ni.
Biakin thawm chu ngaithla pahin a thim lai berah chuan a thu ran a. Thusawitu a lo ding a, thiam takin thu a sawi a, chung thusawi tha tak takte chu a bengah chuan a luh loh hmel hle. A phonea msg type mawlh mawlh pahin Ning hmel tak hian a vei tawn kual sek a, a awm hle hle thei tawh lo. Zana mahni chauha din takah chuan a rei duh bawk dawn em atin ni.
Thusawitu chuan thiam takin thu a sawi zel a, "Unau eng anga sual pawh ni la, Lalpan a ngaidam duh che a, a hnena kir turin a sawm reng che a ni, kei chu min duh tawh lo ang. Ka sual em alawm i ti a ni thei.mahse I sual kha sim turin a duh che a, tuna i dinna tlang atang khan dinhmun ropui zawka dah che a duh a sin. I nun a beidawngin mite hmuhsit leh en hrek hrek i tawk ami, chung zawng zawng chu a siam tha theitu Lalpa Isua a awm a ni. I awm ang ang khan lo kal la, a ni chuan a lo pawm ang che. Lalpan a hmangaìh che"
chu a thusawi chuan chu tleirawl chu engemaw takin a fan a, a tun dinhmun engkim chu a han ngaihtuah let a.a nun chuan Lalpa a ngai a ni. thusawituin thu a sawi zawh chuan zaipawl zaiin."KA AWM ANGIN KA LO KAL ANG" tih chu thiam takin an sa a. A mittui a dang thei tawh lo, biakin hnuai atang chuan a tap zawih zawih a, a awm ang anga Lalpa panin a thingthi a. Lalpa min ngaidam rawh tiin a phun sep sep a. A tawngtaina chu chhanin a awm ta.
Inkhawm ban hla an sak lai chuan Chanmari kawnah chuan Car sen a rawn tlan a, chu tleirawl chuan amah rawn lamtu tur a nih tih hria in a va pan phei a,a khalh tupa patling tawh tak chuan" Bawihi ka rawh le, hotel i duhna ber a ni mai" a rawn tivei phaw phaw a. Chu tleirawl chuan hlim nuisang leh mittui parawl kuang chung chuan car kawngka a tana inhawng sa diam chu khar pahin," ka lo kal lo mai ang e. Hotela nang nen kan riak dun thei ta lo. ISUA nen inah kan haw dawn" tiin a kalsan ta . Chu pa chuan hrilhai leh mak ti takin chu tleirawl hmeltha em em mai chu a en zui ta vawng vawng a.
15.10.2012
No comments:
Post a Comment