Khua a dul ruih a, ruah mal a tla seng seng a, reiek tlang inkham phei ruih mai chu chhumin a bawh chuk a, boruak a dai nuam em em a, han hawi vel ila, thing hnahte chu an hring thar surh a,kawngpuia sarang var thet thut te pawh tuihawkin a len fai a, kawngpui dung pawh a lang fai ve kuar a, kawngkama thingpui dawr inhawng tlar thep thup vaivutin a bawh pawt chhek chhukte chu a lang fai ve kuar a.
Ruah mal tla ser ser karah chuan mipa naupang rual chu an in atang chuan an rawn tlanchhuak sap sap a, an inko leng lung a, luikawrah tuihawk tling zawngin an inzui dam dam a.
Luikawr chu zawh zelin tui tlin tam deuhna chu an zawng zel a. A tawp atawpah chuan vengmawng lama Pi sangi te kawmthlangah chuan a lo li deuh lung a, damlohna in a ngam ve loh ni awm takin chung mipa naupang rual chuan vengchhak atanga tuihawk rawn luang chu an lo khuap zel a., khuap ngah tawk nia an inhriat chuan an zinga an boss ber ni awm tak, thau lenglung, lian ve ber chuan an dive lut ta a.
An zinga lian ber chu a han dive lut pawrh a, tui eng phet phawt chu a rawn perh chhuai a, naupang dang ho pawh chu zuanluh tumin an inphelh sap sap a. A lut hmasa ber Ricky chuan tui chhung atang chuan a luh dan indawt turin ro a rel zuah zuah a. A huai dan indawt chuan an han inluh chhawk a, nuam an tingei mai. An zinga te deuh leh a dawi fal ho chu a sirah chen ve chak tak hian an thlir dauh dauh a,
Chutia hlim taka mipa naupang rual tui cheng chu hmuhnawm ti tak hian hmeichhe naupang kawnga rawn chhuk thla dam dam ho chuan an lo thlir ve bawk a, a thenin chu tui eng phet phut chu an ten thu an sawi a, an nui vei ham ham a. Mipa naupang ho chu thlir an ni tih an han inhriat veleh chuan intithei takin tui chu an han chhek per vel a. An zinga mipa naupang pakhat Zuala chuan chung hmeichhe naupang rual zinga a lo star ruk ve em em Betty a awm tih an hriat chuan a han inliluh a. A zangthal zawngten an hleuh vel a, hmeichhe naupang rual ho chu an tre tuarh tuarh a. Zuala chu nuam titakin a han chhek per leh vel a, tu thaw lo rei rei titen an in el a, zuala chuan Betty a awm ve reng a ni tih a hriat vang chuan chak ber nih tumin a han inhnimphum vang vang a.
Naupang dang ho chu an thei tawh ngang lo a ni ange, an rawn lang chhuak dawt zut a. A tawp atawpah chuan Zuala pawh a rawn lang chhuak ve hlawl a, a thaw hrawk a,hmeichhe naupang ho chuan ui Zuala theih zia hi tiin an tawng ri nang nang a, thenkhatin vawi 40 ka chhiar hman an tia, an lo in hnial thul. Intithei tak leh chapo tak chuan Betty melh pah zauhin a han hleuh phei a, betty nuisak chuan a tihlim veng veng ni tur a ni. A tre a, a au vel a. A sapatal hi a ni ringawt mai.
Chung mipa naupang rual ho chu hmeichhe naupang lo kal ve emaw vang emaw ni? A hma ai in an bengchheng a, an sapatal a. Hmeichhe naupang lo au tre vel chuan a chawk phur deuh aniang e. An han cheng tak tak mai chu, an tui khuap chu a chim thla ta rum rum a.
Hmeichhe naupang ho chu an khek tuarh tuarh a. An chenna luikawr chhak in tukverh atang chuan pi Sangi chu rawn dakin hlauthawng hmel tak hian naupang kha haw ru tuihawkte khan a la ang che u... Tiin a rawn ang ri lung lung a. Chutia hauh an tawh takah chuan mipa naupang rual ho ngawi dak hian an kawr an ha sap sap a. An khur deuh hlak hlak hlawm a.
Reilote an han thu chawl a. Ral lehlama reiek kawr ruam tlawng kam velah chuan chhimbal a zam ruih a, An zinga a te ber chuan 'Aa khi, chhimbal' a han tia, keiman ka hmu hmasa ber a han ti chhunzawm nghal zat a. Midang pawh chu khawthlang lam hawiin chhimbal chu an kawk sup sup a. Zuala pawh chuan tlawng kam chu hawi thlak pahin Betty chu a han mitsir zeuh a. Mawi titaka Betty in a thlir lai vel ahmuh chuan a khi sak a. Tu emaw a awm tih a hriat tlat avang chuan naupang dang ho hriat turin ring leng lawng hian, 'kei chu chhimbala rawng awm zat ka hre reng' a han ti a.
Naupang dang chuan hre chak hmel tak hian Zuala han sawi teh mawh mawh an ti sup sup a. Bettyin hriat chak hmel taka amah a rawn en ve reng a ni tih a hriat kar avang chuan a khi deuh sak a, intithei fahran hian Chi 7 a awm a, VIBGORY an ti a han ti vei pang pang a. A dik tak vibgyor th chu hre mah se, a lam dik theih loh vanga lo vibgory ta mai a ni tih naupang ho chuan an hre lo. A hriat baka dawt tlem telhin a han sawi tak tak a, naupang dangte chu ngaihnawm titakin an ka hau hlawm a.
A sawi zawh chuan rei lote a reh ve a. Minute 5 pawh a la reh tling em lo tihah chuan a hmu hmasa bertuah bawk chuan an truan leh a. Hmuh hmasak ber nih inchuhin an inhnial chhunzawm leh nghal chu a ni mai a. A tawp atawpah chuan Zuala bawk chu hmu hmasa bertu a ni leh ta. Engvangin nge a chak loh tel lul ang. A changtunu a awm tlat alawm. Vawiin tlai atan chuan hero dik tak a ni.
Tlai ni tla tur sen phut mai chuan an awmna mual chu a rawn chhun en sut mai a. Ral leh lama chhim lam tlang inkham phei zui maite chu a eng no nghelh a. Lungleng mi tan chuan kurpui thama mawi a ni. Lunglen leh khawharna ten a la chawhbuai ve phak loh naupang ho chu Hmelchhe len hun . A haw tlai ber hmelchhe ber tiin, hmelchhiat hlau takin an tlan haw hlawm a.
Zuala pawh chu a tlan chak ngei mai, a han ding deuh a. Hnunglam chu a han thlir kir a. A hnung lama Betty lo kal chu a va hmu a. Ke tina ni awm takin an lo thu a. A zawn a lo thlen chuan hey Betty i hmelchhe ber duh mi, tlan ve ta che a han tia. Betty chuan ho emai. Hmelchhe ber tih mai mai ka tlanpei tawh lo a lo ti deuh hmuk a. Chu bak han biak ngaihna hre hek lo. A thianten an chhaih hlau bawk si chu a tlan leh ta nal nal a.
Zuala chu Betty a biak theih avang leh Betty in Zual thau tia a chhaih miah loh vang chuan hlim takin a zai rut rut a. In chhung a han lut chu a zai tawp chiang kher mai. An chaw bel lo inhun danah chuan chaw an ei tawh tih a hriat a. Inthlahrung takin pindanah a lut zal zal a.
"Lallianzual luikawrah i cheng leh pek alaw. Vawi engzat ge cheng tawh suh ka tih che. Mahni thawmhnaw su thei tawp si lo." tiin anu chu a ang hlawk hlawk a. Anu thu sawi lai chuan a zai vei rut rut a.
Anu ang hlawk hlawk pawh chu a ngaihtuah lem hlei lo a. Mahse apa sitting rooma tv en mek chu a rawn tawng ve ta tlat mai.
" Lallianzual hetah lo kal teh.vawi engzat nge tlai chaw ei hmanin rawn haw rawh ka tih che. I ti leh ngem, vuak i duh em"
'Aih apa ka ti tawh lo ang'
'Hmn, A lehpek a awm tawh tur a ni lo. Ka vuak che chuan a na khawp ang. Chaw va ei la. Zanah chhuak suh ang che"
Order a va ni chiang tak em! Zana Betty te nen inbihruk siak an tumte kha a fail vek. A tel lovin an lo inbihruksiak anga. Rka khan a star ve tho sia, a rilru chu a tawt up up a ni ber. Chaw a ei kham chu a sa zek zek a. A hnu lokah chuan pawn atang chuan ring leng lawng hian an rawn kova.
Zuala lo kal tawh rawh
zanin chu ka lo kal lo mai ang.
A thiante hlim hmel taka pawna an au thawm chu a hre pha vek a. A chak lutuk chu tukverhah a dak sek a. Apa thu chu hnial ngam ni si lo. A khawngaihthlak thlawt a ni. Dar 8 velah chuan a thiante thawm pawh chu a reh tan ta, zuala pawh chu khumah chuan a mu zal ve ta a.
A mutnaah chuan Betty chu a kal ve angem le tiin a ngaihtuah rauh rauh a. Tlai khaw thim hnua a lo haw kher kher chu pawi a ti tawp thei lo. Lungdam zan lovin Betty ngaihtuah chung zel chuan a muhil ve ta a.Zualbawih tho rawh, tho rawh, i u Sangi vawkchaw va lakpui rawh, tih ri chuan a tiharh zawk a, zan lam boruak fu vak lo nen titau bur chung chuan a tho a. Thingpui chu a han insiam rawk rawk a, chawthing lek luau chung chuan muangchangin a han in leh te te a. A in zawh chuan 'Sang chawnping' kal ila a han tizeuh a. Sangi chuan ben fawlh pahin pawn lamah a nemchhuak dawr dawr a.
Damveng lamah vawkchaw la tur chuan a u Sangi chu a zui ve hnak hnak a. Kawnga an kal lai chuan, Rka leng tur nen an intawk hlawl mai a.'Zuala karawh inmarble ila, ka thawh kep ve ang che' a han ti a. Zuala chuan'hei vawk chaw kan la dawn a. Lo kal ve zawk la, hawnah kan ti dawn nia' tiin a han sawm a. Rka pawh chuan a zui ve mai a. Kawng kal pah chuan eng eng emaw an sawi phei ve barh barh a.
Rka chuan zanlama an inbihruksiak vel chu nuam ti takin a sawi barh barh a. Zuala chuan Betty a kal ve em tia zawh chu a chak zek zek a, mahse a zak bawk si. Vanneih thlak takin zawh ngai miah lovin Rka chuan Nizan chu Betty lo kal lova, in 2 chauhin kan pawl atangin in lo kal lo a han ti a. Zuala chuan tinge a kal loh a, a han tia. Rka chuan anu ten a damloh vanga, kal ve an phal loh thu te chu a hrilh sar sar a., a rilru chu engemaw kawng zawng tak chuan a hlim veng veng lawi a.
Chutia eng eng emaw sawia an ti ti tui lai chuan a u Sangi chuan a rawn ko vak a, an lakpui ve ta a. Vawkchaw lak pah chuan Rka chu a ti ti char char a. Zan lama a film ente chu a sawi suah suah a. Zuala chuan a lo um e vel mai mai a. A rilru tak chuan Betty chauh chu a ngaihtuah a,a damloh rei chuan inbihruk siak vel pawh a nuam lo sawt dawn nih hi titen a ngaihtuah a. A rilru chu a hlim zan lo deuh a ni. Rei loteah em khat daih erh awrh Vawk chaw pawh chu an la zo thei ta mai a.
Haw kawngah chuan A U sangi chu lo va haw hmasain zuala te thiandun chu muangchangin an kal a. An saihlum lakna an hual reuh reuh chu an han en dun a. Tuman an lo lak khalh loh tih an hriat chuan hual fuh an in ti hle mai. Kawng sirah chuan an han ding dun vang vang a. An dinna tang chuan Betty te in lo lang de vet vet chu Zuala chuan a thlir veng veng a.
Chutia ngawi renga engemaw ngaihtuah ni awm taka Betty te in a thlir reng lai chuan Rka chuan a lo be ve char char bawk a, mahse a thianpa thusawi chu hriat alawi pawh a nei lo. Rka'n kal ang a tih takah chuan a harh zawk a. An kal ta a.
Pu Rina te kawt zawlah chuan mipa naupang ho chu an lo inmarble a. An tel ve ta nghal a. An thian dun chuan an phakar bawk a. An hlawk dun ngei mai. Rei lote emaw an tih lai chuan tukthuan ei a lo hun a, tukthuan ei turin mahni inlam an pan ta sang sang a.
Tukthuan ei kham zawh lamah chuan feh turin chhungkaw tinte chu an chhuak sup sup a. Sikul chawlh laite a nih vangin zuala pawh chu sairawkherh nen an lo lama feh turin anute chu zui ve hnak hnak a. An lo chu a hnai zawk zawk loh avangin, lo an han thlen meuh chuan ni chu a lo tlang sang tawh hle a. A nu leh pate chuan hna chu an bung nghal sap sap a.
Zuala pawh a sairawkherh nen lo mawng lamah sava veh turin a liam thla ve nghal a.
Lo mawnga ram la thiah ve loh hmunah chuan thing lianpui pui a ding thelh sung a. A bula kawrah chuan tui a luang ri her her bawk a,
Thing zarah te chuan tuklote, tlaiberhte chu nuam ti takin an hram vel a, thereng hramte chuan beng a tikiu vawng vawng thei nia. Ralkhata thangfenpa bawp lo hram chu zuala chuan a lo zawm ve rut rut a.Sairawkher chu a han tin vang vang a, khiang kunga tlaiberh lo fu vang chu a han tin ran ran a.vanneih thlak takin a perh thla ve nawlh mai. Hlim taka au chel chulin a sava perh thlakna lamah chuan sava chu a zu zawng ta nghal a.
Kawr bula lung phek inpharh duai maiah chuan chu sava khawngaih thlak tak chu a lo let bul a. Rang takin a han la a,Kal leh ta nghal mai lo chuan chu lungphekah chuan a han thu a. A bulah tui luang ri her her chu thing zar lianpui pui kara ni eng lo lang chuan a chhun tle set set mai a.
A rilruah chuan Betty bawk chu a lo lang leh ta, a mitthlaahte chuan nimin lama an tuichennaa Betty lo au velte chu a lang iar iar a. Engin nge maw ni mawlh tehreng ni? Lunglen hrethiam rual awm pawha mawi lo naupang middle sikul kal ve tan dek dek chu a ngaihtuahnaah thil tam tak a lo lut a, engemaw khawharna tak chuan a zem a ni ber mai.
Lungphek pharh duaiah chuan a han mu zangthal a. Maimitchhing siar siar chung chuan Betty bawk chu a han ngaihtuah leh a,an len hunah an inkawm ngeih ve tawh angem le,, inkawm ngeih tawk ni turte chuan a han suangtuah a. A khi var var a.Thil hrechhuak thut ni awm takin a han thu hluai a. Ni tak e, Rka khan a damlo a ti tak e. tine a damloh reng le.? Kar hmasa pawn vawi 2 ngawt damdawiinah an kal tawh a, tinge a damloh leh thin le ti tein a ngaihtuah a, hmanniah pawh an vengah nausen a thi a. Betty pawh chu a thìh ve mai a hlau ta thut a. A mittui chu a hriat loh karin a lo luang ta ngiai ngiai a.A mittui chu a banin a han hru a. Anu ten rei an lo ti palh ange tiin a chho ve ta a. A sava perh thlak chu phur em em hian intithei takina sawi lawng lawng a. Nichina a thil ngaihtuahte kha hre awm pawn a lang leh tawh lo.
Thlam bula kawlthei kungah chuan lawnin a theih tawpa ringin aw tial rei ruaiin a zai vak vak a. Chhun chaw fak a lo hun a. Chaw an fak zawh chuan tlai lamah ruahte a sur leh mai an hlauh avang chuan haw tur chuan an insiam a. Haw zai an rel ta a.
Chutia ngawi renga Zuala'n Betty te in a thlir reng lai chuan Rka chuan kan inthap hman lo ange, tlan ang a lo ti ve sek a, zuala pawh chuan awle kal ila tiin, chak takin an tlan a. Zawl an thlen chuan naupang ho chu an lo inthap laih laih a, an thiandun chuan tel ve nghalin a pawr pawrah chuan an la tang zui a. An ti dawn chauh emaw tih lai chuan zing chaw ei a lo hun ta reng mai. Nuam ti hle mah se, chaw ei tur chuan mipa naupang rual chu mahni in lamah an tlan haw sang sang a.
Sikul chawlh laite a nih vangin naupang rual ho chuan nuam an ti hle a, zuala te thian ho pawh luia an kal lo leh bukte an sa a. Hmeichhe naupang ho inkhualtelemnaahte an tel ve thin a, an hlim tlang dar dar hle thin. Khawvel sualin a tihbuai ve phak loh an nun mawl mang tak chu, a aia hlimawm thil dang enge awm chuang ang le?
Mahse, Zuala rilru erawh a hlim kim ve thei lo, a lo duh rilruk ve em em Betty chu a rawn tel ve ngai lo tlat atin ni. Nikhat chu an buk saka an thian hova an ti ti ho lai chuan an zinga thil hre thei ber Rka chuan "Betty chu a damlo nasa ltk, ka nute pawn a dam chhuah an ring tawh lo. Karkhat pawh a dam tawh lo ang, A pumte a puar vek a. Raipuar dul ai pawn a lian ang" a rawn tichhuak hlawl a. An thian dangte chuan hriat chhunzawm chak takin an zawt sup sup a. Rka chu Lalhrebera ni awma mawi hian a uar thei ang berin Betty damloh dan chu akarah dawt telh zeuh zeuh pahin a'n sawi a. Zuala erawh chu kil khatah ngawi rengin a thiante titi ngaithlain a thu a. Betty chu a ngaihtuah a ni.
A mitthlaah chuan Betty nui sen sen lai chu a rawn lang uai uai a, intithei taka tuia a chen pap pap laia Bettyin thiam titaka a lo melh rengte kha a hre chhuak a. A mittui chu a rawn tling pam a. Betty chutiang maia a thi tur chu a phal lo a ni. A thiante engemaw sawia an phul hlut lai chuan Zuala chuan" Ka haw dawn nia, apain len rei a phal lova"tiin a thiante chu a thlah a. Chak tawkin an in lamah chuan a tlan hawng ta a.
An kawmthlanga kawlthei kungah chuan lawnin Betty te in rangva rawn tle ser ser lam chu thlirin Betty bawk chu a ngaihtuah a. Thi mai tura a han ngaihtuah chuan a mittui chu a tla dawn ta mai a. Engmah titheih a nei lo chu hrehawm a ti a ni.
Ama hriat tawk lekin a phun sep sep a,
Tihian,
Lalpa, Betty a damlova, a pumte pawh a puar vek a,khawngaih takin tidam hram rawh, tichuan nu leh pa thu ka awi tawh anga, Betty pawh "cheri" tiin ka chhaih tawh lo ang. Lalpa khawngaih takin tidam rawh, Isua hmingin ka dil e. Amen"
tiin.
Chutiang taka a tawngtai chu a nunah a vawikhatna tur hial a ni ang chu. A tawngtai zawh chuan a mittui lo luangte chu miin an lo hmu palh ang tiin a hru hul mawlh mawlh a.
August, 2012
Ruah mal tla ser ser karah chuan mipa naupang rual chu an in atang chuan an rawn tlanchhuak sap sap a, an inko leng lung a, luikawrah tuihawk tling zawngin an inzui dam dam a.
Luikawr chu zawh zelin tui tlin tam deuhna chu an zawng zel a. A tawp atawpah chuan vengmawng lama Pi sangi te kawmthlangah chuan a lo li deuh lung a, damlohna in a ngam ve loh ni awm takin chung mipa naupang rual chuan vengchhak atanga tuihawk rawn luang chu an lo khuap zel a., khuap ngah tawk nia an inhriat chuan an zinga an boss ber ni awm tak, thau lenglung, lian ve ber chuan an dive lut ta a.
An zinga lian ber chu a han dive lut pawrh a, tui eng phet phawt chu a rawn perh chhuai a, naupang dang ho pawh chu zuanluh tumin an inphelh sap sap a. A lut hmasa ber Ricky chuan tui chhung atang chuan a luh dan indawt turin ro a rel zuah zuah a. A huai dan indawt chuan an han inluh chhawk a, nuam an tingei mai. An zinga te deuh leh a dawi fal ho chu a sirah chen ve chak tak hian an thlir dauh dauh a,
Chutia hlim taka mipa naupang rual tui cheng chu hmuhnawm ti tak hian hmeichhe naupang kawnga rawn chhuk thla dam dam ho chuan an lo thlir ve bawk a, a thenin chu tui eng phet phut chu an ten thu an sawi a, an nui vei ham ham a. Mipa naupang ho chu thlir an ni tih an han inhriat veleh chuan intithei takin tui chu an han chhek per vel a. An zinga mipa naupang pakhat Zuala chuan chung hmeichhe naupang rual zinga a lo star ruk ve em em Betty a awm tih an hriat chuan a han inliluh a. A zangthal zawngten an hleuh vel a, hmeichhe naupang rual ho chu an tre tuarh tuarh a. Zuala chu nuam titakin a han chhek per leh vel a, tu thaw lo rei rei titen an in el a, zuala chuan Betty a awm ve reng a ni tih a hriat vang chuan chak ber nih tumin a han inhnimphum vang vang a.
Naupang dang ho chu an thei tawh ngang lo a ni ange, an rawn lang chhuak dawt zut a. A tawp atawpah chuan Zuala pawh a rawn lang chhuak ve hlawl a, a thaw hrawk a,hmeichhe naupang ho chuan ui Zuala theih zia hi tiin an tawng ri nang nang a, thenkhatin vawi 40 ka chhiar hman an tia, an lo in hnial thul. Intithei tak leh chapo tak chuan Betty melh pah zauhin a han hleuh phei a, betty nuisak chuan a tihlim veng veng ni tur a ni. A tre a, a au vel a. A sapatal hi a ni ringawt mai.
Chung mipa naupang rual ho chu hmeichhe naupang lo kal ve emaw vang emaw ni? A hma ai in an bengchheng a, an sapatal a. Hmeichhe naupang lo au tre vel chuan a chawk phur deuh aniang e. An han cheng tak tak mai chu, an tui khuap chu a chim thla ta rum rum a.
Hmeichhe naupang ho chu an khek tuarh tuarh a. An chenna luikawr chhak in tukverh atang chuan pi Sangi chu rawn dakin hlauthawng hmel tak hian naupang kha haw ru tuihawkte khan a la ang che u... Tiin a rawn ang ri lung lung a. Chutia hauh an tawh takah chuan mipa naupang rual ho ngawi dak hian an kawr an ha sap sap a. An khur deuh hlak hlak hlawm a.
Reilote an han thu chawl a. Ral lehlama reiek kawr ruam tlawng kam velah chuan chhimbal a zam ruih a, An zinga a te ber chuan 'Aa khi, chhimbal' a han tia, keiman ka hmu hmasa ber a han ti chhunzawm nghal zat a. Midang pawh chu khawthlang lam hawiin chhimbal chu an kawk sup sup a. Zuala pawh chuan tlawng kam chu hawi thlak pahin Betty chu a han mitsir zeuh a. Mawi titaka Betty in a thlir lai vel ahmuh chuan a khi sak a. Tu emaw a awm tih a hriat tlat avang chuan naupang dang ho hriat turin ring leng lawng hian, 'kei chu chhimbala rawng awm zat ka hre reng' a han ti a.
Naupang dang chuan hre chak hmel tak hian Zuala han sawi teh mawh mawh an ti sup sup a. Bettyin hriat chak hmel taka amah a rawn en ve reng a ni tih a hriat kar avang chuan a khi deuh sak a, intithei fahran hian Chi 7 a awm a, VIBGORY an ti a han ti vei pang pang a. A dik tak vibgyor th chu hre mah se, a lam dik theih loh vanga lo vibgory ta mai a ni tih naupang ho chuan an hre lo. A hriat baka dawt tlem telhin a han sawi tak tak a, naupang dangte chu ngaihnawm titakin an ka hau hlawm a.
A sawi zawh chuan rei lote a reh ve a. Minute 5 pawh a la reh tling em lo tihah chuan a hmu hmasa bertuah bawk chuan an truan leh a. Hmuh hmasak ber nih inchuhin an inhnial chhunzawm leh nghal chu a ni mai a. A tawp atawpah chuan Zuala bawk chu hmu hmasa bertu a ni leh ta. Engvangin nge a chak loh tel lul ang. A changtunu a awm tlat alawm. Vawiin tlai atan chuan hero dik tak a ni.
Tlai ni tla tur sen phut mai chuan an awmna mual chu a rawn chhun en sut mai a. Ral leh lama chhim lam tlang inkham phei zui maite chu a eng no nghelh a. Lungleng mi tan chuan kurpui thama mawi a ni. Lunglen leh khawharna ten a la chawhbuai ve phak loh naupang ho chu Hmelchhe len hun . A haw tlai ber hmelchhe ber tiin, hmelchhiat hlau takin an tlan haw hlawm a.
Zuala pawh chu a tlan chak ngei mai, a han ding deuh a. Hnunglam chu a han thlir kir a. A hnung lama Betty lo kal chu a va hmu a. Ke tina ni awm takin an lo thu a. A zawn a lo thlen chuan hey Betty i hmelchhe ber duh mi, tlan ve ta che a han tia. Betty chuan ho emai. Hmelchhe ber tih mai mai ka tlanpei tawh lo a lo ti deuh hmuk a. Chu bak han biak ngaihna hre hek lo. A thianten an chhaih hlau bawk si chu a tlan leh ta nal nal a.
Zuala chu Betty a biak theih avang leh Betty in Zual thau tia a chhaih miah loh vang chuan hlim takin a zai rut rut a. In chhung a han lut chu a zai tawp chiang kher mai. An chaw bel lo inhun danah chuan chaw an ei tawh tih a hriat a. Inthlahrung takin pindanah a lut zal zal a.
"Lallianzual luikawrah i cheng leh pek alaw. Vawi engzat ge cheng tawh suh ka tih che. Mahni thawmhnaw su thei tawp si lo." tiin anu chu a ang hlawk hlawk a. Anu thu sawi lai chuan a zai vei rut rut a.
Anu ang hlawk hlawk pawh chu a ngaihtuah lem hlei lo a. Mahse apa sitting rooma tv en mek chu a rawn tawng ve ta tlat mai.
" Lallianzual hetah lo kal teh.vawi engzat nge tlai chaw ei hmanin rawn haw rawh ka tih che. I ti leh ngem, vuak i duh em"
'Aih apa ka ti tawh lo ang'
'Hmn, A lehpek a awm tawh tur a ni lo. Ka vuak che chuan a na khawp ang. Chaw va ei la. Zanah chhuak suh ang che"
Order a va ni chiang tak em! Zana Betty te nen inbihruk siak an tumte kha a fail vek. A tel lovin an lo inbihruksiak anga. Rka khan a star ve tho sia, a rilru chu a tawt up up a ni ber. Chaw a ei kham chu a sa zek zek a. A hnu lokah chuan pawn atang chuan ring leng lawng hian an rawn kova.
Zuala lo kal tawh rawh
zanin chu ka lo kal lo mai ang.
A thiante hlim hmel taka pawna an au thawm chu a hre pha vek a. A chak lutuk chu tukverhah a dak sek a. Apa thu chu hnial ngam ni si lo. A khawngaihthlak thlawt a ni. Dar 8 velah chuan a thiante thawm pawh chu a reh tan ta, zuala pawh chu khumah chuan a mu zal ve ta a.
A mutnaah chuan Betty chu a kal ve angem le tiin a ngaihtuah rauh rauh a. Tlai khaw thim hnua a lo haw kher kher chu pawi a ti tawp thei lo. Lungdam zan lovin Betty ngaihtuah chung zel chuan a muhil ve ta a.Zualbawih tho rawh, tho rawh, i u Sangi vawkchaw va lakpui rawh, tih ri chuan a tiharh zawk a, zan lam boruak fu vak lo nen titau bur chung chuan a tho a. Thingpui chu a han insiam rawk rawk a, chawthing lek luau chung chuan muangchangin a han in leh te te a. A in zawh chuan 'Sang chawnping' kal ila a han tizeuh a. Sangi chuan ben fawlh pahin pawn lamah a nemchhuak dawr dawr a.
Damveng lamah vawkchaw la tur chuan a u Sangi chu a zui ve hnak hnak a. Kawnga an kal lai chuan, Rka leng tur nen an intawk hlawl mai a.'Zuala karawh inmarble ila, ka thawh kep ve ang che' a han ti a. Zuala chuan'hei vawk chaw kan la dawn a. Lo kal ve zawk la, hawnah kan ti dawn nia' tiin a han sawm a. Rka pawh chuan a zui ve mai a. Kawng kal pah chuan eng eng emaw an sawi phei ve barh barh a.
Rka chuan zanlama an inbihruksiak vel chu nuam ti takin a sawi barh barh a. Zuala chuan Betty a kal ve em tia zawh chu a chak zek zek a, mahse a zak bawk si. Vanneih thlak takin zawh ngai miah lovin Rka chuan Nizan chu Betty lo kal lova, in 2 chauhin kan pawl atangin in lo kal lo a han ti a. Zuala chuan tinge a kal loh a, a han tia. Rka chuan anu ten a damloh vanga, kal ve an phal loh thu te chu a hrilh sar sar a., a rilru chu engemaw kawng zawng tak chuan a hlim veng veng lawi a.
Chutia eng eng emaw sawia an ti ti tui lai chuan a u Sangi chuan a rawn ko vak a, an lakpui ve ta a. Vawkchaw lak pah chuan Rka chu a ti ti char char a. Zan lama a film ente chu a sawi suah suah a. Zuala chuan a lo um e vel mai mai a. A rilru tak chuan Betty chauh chu a ngaihtuah a,a damloh rei chuan inbihruk siak vel pawh a nuam lo sawt dawn nih hi titen a ngaihtuah a. A rilru chu a hlim zan lo deuh a ni. Rei loteah em khat daih erh awrh Vawk chaw pawh chu an la zo thei ta mai a.
Haw kawngah chuan A U sangi chu lo va haw hmasain zuala te thiandun chu muangchangin an kal a. An saihlum lakna an hual reuh reuh chu an han en dun a. Tuman an lo lak khalh loh tih an hriat chuan hual fuh an in ti hle mai. Kawng sirah chuan an han ding dun vang vang a. An dinna tang chuan Betty te in lo lang de vet vet chu Zuala chuan a thlir veng veng a.
Chutia ngawi renga engemaw ngaihtuah ni awm taka Betty te in a thlir reng lai chuan Rka chuan a lo be ve char char bawk a, mahse a thianpa thusawi chu hriat alawi pawh a nei lo. Rka'n kal ang a tih takah chuan a harh zawk a. An kal ta a.
Pu Rina te kawt zawlah chuan mipa naupang ho chu an lo inmarble a. An tel ve ta nghal a. An thian dun chuan an phakar bawk a. An hlawk dun ngei mai. Rei lote emaw an tih lai chuan tukthuan ei a lo hun a, tukthuan ei turin mahni inlam an pan ta sang sang a.
Tukthuan ei kham zawh lamah chuan feh turin chhungkaw tinte chu an chhuak sup sup a. Sikul chawlh laite a nih vangin zuala pawh chu sairawkherh nen an lo lama feh turin anute chu zui ve hnak hnak a. An lo chu a hnai zawk zawk loh avangin, lo an han thlen meuh chuan ni chu a lo tlang sang tawh hle a. A nu leh pate chuan hna chu an bung nghal sap sap a.
Zuala pawh a sairawkherh nen lo mawng lamah sava veh turin a liam thla ve nghal a.
Lo mawnga ram la thiah ve loh hmunah chuan thing lianpui pui a ding thelh sung a. A bula kawrah chuan tui a luang ri her her bawk a,
Thing zarah te chuan tuklote, tlaiberhte chu nuam ti takin an hram vel a, thereng hramte chuan beng a tikiu vawng vawng thei nia. Ralkhata thangfenpa bawp lo hram chu zuala chuan a lo zawm ve rut rut a.Sairawkher chu a han tin vang vang a, khiang kunga tlaiberh lo fu vang chu a han tin ran ran a.vanneih thlak takin a perh thla ve nawlh mai. Hlim taka au chel chulin a sava perh thlakna lamah chuan sava chu a zu zawng ta nghal a.
Kawr bula lung phek inpharh duai maiah chuan chu sava khawngaih thlak tak chu a lo let bul a. Rang takin a han la a,Kal leh ta nghal mai lo chuan chu lungphekah chuan a han thu a. A bulah tui luang ri her her chu thing zar lianpui pui kara ni eng lo lang chuan a chhun tle set set mai a.
A rilruah chuan Betty bawk chu a lo lang leh ta, a mitthlaahte chuan nimin lama an tuichennaa Betty lo au velte chu a lang iar iar a. Engin nge maw ni mawlh tehreng ni? Lunglen hrethiam rual awm pawha mawi lo naupang middle sikul kal ve tan dek dek chu a ngaihtuahnaah thil tam tak a lo lut a, engemaw khawharna tak chuan a zem a ni ber mai.
Lungphek pharh duaiah chuan a han mu zangthal a. Maimitchhing siar siar chung chuan Betty bawk chu a han ngaihtuah leh a,an len hunah an inkawm ngeih ve tawh angem le,, inkawm ngeih tawk ni turte chuan a han suangtuah a. A khi var var a.Thil hrechhuak thut ni awm takin a han thu hluai a. Ni tak e, Rka khan a damlo a ti tak e. tine a damloh reng le.? Kar hmasa pawn vawi 2 ngawt damdawiinah an kal tawh a, tinge a damloh leh thin le ti tein a ngaihtuah a, hmanniah pawh an vengah nausen a thi a. Betty pawh chu a thìh ve mai a hlau ta thut a. A mittui chu a hriat loh karin a lo luang ta ngiai ngiai a.A mittui chu a banin a han hru a. Anu ten rei an lo ti palh ange tiin a chho ve ta a. A sava perh thlak chu phur em em hian intithei takina sawi lawng lawng a. Nichina a thil ngaihtuahte kha hre awm pawn a lang leh tawh lo.
Thlam bula kawlthei kungah chuan lawnin a theih tawpa ringin aw tial rei ruaiin a zai vak vak a. Chhun chaw fak a lo hun a. Chaw an fak zawh chuan tlai lamah ruahte a sur leh mai an hlauh avang chuan haw tur chuan an insiam a. Haw zai an rel ta a.
Chutia ngawi renga Zuala'n Betty te in a thlir reng lai chuan Rka chuan kan inthap hman lo ange, tlan ang a lo ti ve sek a, zuala pawh chuan awle kal ila tiin, chak takin an tlan a. Zawl an thlen chuan naupang ho chu an lo inthap laih laih a, an thiandun chuan tel ve nghalin a pawr pawrah chuan an la tang zui a. An ti dawn chauh emaw tih lai chuan zing chaw ei a lo hun ta reng mai. Nuam ti hle mah se, chaw ei tur chuan mipa naupang rual chu mahni in lamah an tlan haw sang sang a.
Sikul chawlh laite a nih vangin naupang rual ho chuan nuam an ti hle a, zuala te thian ho pawh luia an kal lo leh bukte an sa a. Hmeichhe naupang ho inkhualtelemnaahte an tel ve thin a, an hlim tlang dar dar hle thin. Khawvel sualin a tihbuai ve phak loh an nun mawl mang tak chu, a aia hlimawm thil dang enge awm chuang ang le?
Mahse, Zuala rilru erawh a hlim kim ve thei lo, a lo duh rilruk ve em em Betty chu a rawn tel ve ngai lo tlat atin ni. Nikhat chu an buk saka an thian hova an ti ti ho lai chuan an zinga thil hre thei ber Rka chuan "Betty chu a damlo nasa ltk, ka nute pawn a dam chhuah an ring tawh lo. Karkhat pawh a dam tawh lo ang, A pumte a puar vek a. Raipuar dul ai pawn a lian ang" a rawn tichhuak hlawl a. An thian dangte chuan hriat chhunzawm chak takin an zawt sup sup a. Rka chu Lalhrebera ni awma mawi hian a uar thei ang berin Betty damloh dan chu akarah dawt telh zeuh zeuh pahin a'n sawi a. Zuala erawh chu kil khatah ngawi rengin a thiante titi ngaithlain a thu a. Betty chu a ngaihtuah a ni.
A mitthlaah chuan Betty nui sen sen lai chu a rawn lang uai uai a, intithei taka tuia a chen pap pap laia Bettyin thiam titaka a lo melh rengte kha a hre chhuak a. A mittui chu a rawn tling pam a. Betty chutiang maia a thi tur chu a phal lo a ni. A thiante engemaw sawia an phul hlut lai chuan Zuala chuan" Ka haw dawn nia, apain len rei a phal lova"tiin a thiante chu a thlah a. Chak tawkin an in lamah chuan a tlan hawng ta a.
An kawmthlanga kawlthei kungah chuan lawnin Betty te in rangva rawn tle ser ser lam chu thlirin Betty bawk chu a ngaihtuah a. Thi mai tura a han ngaihtuah chuan a mittui chu a tla dawn ta mai a. Engmah titheih a nei lo chu hrehawm a ti a ni.
Ama hriat tawk lekin a phun sep sep a,
Tihian,
Lalpa, Betty a damlova, a pumte pawh a puar vek a,khawngaih takin tidam hram rawh, tichuan nu leh pa thu ka awi tawh anga, Betty pawh "cheri" tiin ka chhaih tawh lo ang. Lalpa khawngaih takin tidam rawh, Isua hmingin ka dil e. Amen"
tiin.
Chutiang taka a tawngtai chu a nunah a vawikhatna tur hial a ni ang chu. A tawngtai zawh chuan a mittui lo luangte chu miin an lo hmu palh ang tiin a hru hul mawlh mawlh a.
August, 2012
No comments:
Post a Comment