Thiante an awm mai mai laiin,a taima ber awm zia zangin Chhun lamah hah thi kulin mi hnuaiah kan inhlawh a, tu ten emaw thawh loh hlawh an lak trawk trawk laiin keini chuan hah takin rs 200 kan la lut ve chauh a ni a. Vawksa pawh kgah 200 a ni a, lei ve dawn chuan, a tuk chaw nghei huam meuha lei a ngai zu nia. 6 pay a han ni chhova, thil man pawhin 6 pay a kai chho ve zel a, huiha, electric bill, tui man , a man a sang chho vek, gas vang bawk nen. keini rethei tan chuan e chhum dum lian tawkin min khuh reng ang mai hi a ni.
Chu mai a ni lo. Kan ei leh in hautak zia ngaihtuaha kan thawh chhuah tlem si hian min tibuai thin. Thiam nei ve ta em em lo chu kan thawh theih tawk chu mi ban khurh laihte, hna rum tak2, vai mistiri pawn an tih duh loh chu chhungkaw tan tiin kan thawk ang lawp lawp a. Hmasawn zela hausakte chu khawi lam, kan nitin ei khawp kan hmu chhuak ringawt pawh hi kan dam loh phah trep trep a ni si a.
Khawi laiah emaw hna thawka cement chauh lauh lauh laiin high skul kan kalpui thinten min han hmu fuh a. Coat suit nena hmuh chang phei hi chuan khuk ral raih hi a chakawm thin.
A hun lai kha chuan skul kalte kha nuam kan ti a, kal zela Officer lian tak emaw sumdawng hausa nihte kha kan tum kha ni a, inhlawh a lo ngai a, sikul chawlhsanin nitin mi ek kan paih ta lo chauh zawng a nih hi.
Kan theih ve tawk a nih ringin police lak dawn apiangin kan han intlar ve bawk thin tak na a, physical, medicalahte tling thin mah ila, interview ah kan tla zel bawk si. Tiang hunah chuan lo rethei pawh ni ila, chhungte thiltithei ve tak nei ila aw ka ti rum rum thin.
Tlem hre ve vuakin tu te emaw chu an insawipui thawm kan lo hre ve tum hrang bawk si. Rilrua thinrimna pai trunin kan nui liam a. Thenawmte in eirukna vanga lian ta tual tual chu kan hmu ve vek a. Chuta karah keini in chhe te ding akarah kan ramte an la rawn nek ta deuh deuh a. Thinrim in han insawh nghawng nghawng mah ila, a rethei zawk na na chu rilru dam lo treuhin kan ngawih a trul leh thin si. Huiha,
Sawrkarin nlup a sem dawn an tia, ralkhatah kan lo phur ve em em a. Ka dawn ve hlauh chuan bul tha takin ka tran ang mawle, tiin kan lo hisap ru ve rauh rauh a, vanduai vang nge ni, a dawng lo pawlah kan la trang leh ta nghal a. Mahni inhnem nan sum a thlawna hmuh hi a tha lo, min ti thatchhia tiin kan han inthiam chawp a. Tlaikhat ei turah pawh rilru hah thin tan chuan, sum tlem tham hi kan bawh rawk rawk mai zawng a nih hi.
Kar tluana hnathawh thuamhnaw hak chu ngaiah a neih theih mai a.Pathianni te hlei hlei hi kan tan hian nia hrehawm zual chu.Miin a chhuak thar apiang an hak laiin nikum hmasa hmasa lam ami tawh, kamis dum da rek rawk kan ha chhuak ve a. A hminga thalai lo nih ve phei chuan mawi kan duh ve tho bawk si. Inkhawm lohva tlak tak mai hi a awl a sin. Incheina a ni lo, nun hi a pawimawh zawk tihte chu tih mai mai a ni e.
Khawvel hi zawng a hahthlak mang e. A hausa lah an hausa tual tual a, retheite hi kan bet telh telh mai zawng a nih hi. Tia ka ngaihtuah chang hi chuan mi pangngai ni turin ka thawk anga, ka fate chu mi ropui ni ngei turin ka chher chhuak ang ka ti thin.
8.11.2012
Chu mai a ni lo. Kan ei leh in hautak zia ngaihtuaha kan thawh chhuah tlem si hian min tibuai thin. Thiam nei ve ta em em lo chu kan thawh theih tawk chu mi ban khurh laihte, hna rum tak2, vai mistiri pawn an tih duh loh chu chhungkaw tan tiin kan thawk ang lawp lawp a. Hmasawn zela hausakte chu khawi lam, kan nitin ei khawp kan hmu chhuak ringawt pawh hi kan dam loh phah trep trep a ni si a.
Khawi laiah emaw hna thawka cement chauh lauh lauh laiin high skul kan kalpui thinten min han hmu fuh a. Coat suit nena hmuh chang phei hi chuan khuk ral raih hi a chakawm thin.
A hun lai kha chuan skul kalte kha nuam kan ti a, kal zela Officer lian tak emaw sumdawng hausa nihte kha kan tum kha ni a, inhlawh a lo ngai a, sikul chawlhsanin nitin mi ek kan paih ta lo chauh zawng a nih hi.
Kan theih ve tawk a nih ringin police lak dawn apiangin kan han intlar ve bawk thin tak na a, physical, medicalahte tling thin mah ila, interview ah kan tla zel bawk si. Tiang hunah chuan lo rethei pawh ni ila, chhungte thiltithei ve tak nei ila aw ka ti rum rum thin.
Tlem hre ve vuakin tu te emaw chu an insawipui thawm kan lo hre ve tum hrang bawk si. Rilrua thinrimna pai trunin kan nui liam a. Thenawmte in eirukna vanga lian ta tual tual chu kan hmu ve vek a. Chuta karah keini in chhe te ding akarah kan ramte an la rawn nek ta deuh deuh a. Thinrim in han insawh nghawng nghawng mah ila, a rethei zawk na na chu rilru dam lo treuhin kan ngawih a trul leh thin si. Huiha,
Sawrkarin nlup a sem dawn an tia, ralkhatah kan lo phur ve em em a. Ka dawn ve hlauh chuan bul tha takin ka tran ang mawle, tiin kan lo hisap ru ve rauh rauh a, vanduai vang nge ni, a dawng lo pawlah kan la trang leh ta nghal a. Mahni inhnem nan sum a thlawna hmuh hi a tha lo, min ti thatchhia tiin kan han inthiam chawp a. Tlaikhat ei turah pawh rilru hah thin tan chuan, sum tlem tham hi kan bawh rawk rawk mai zawng a nih hi.
Kar tluana hnathawh thuamhnaw hak chu ngaiah a neih theih mai a.Pathianni te hlei hlei hi kan tan hian nia hrehawm zual chu.Miin a chhuak thar apiang an hak laiin nikum hmasa hmasa lam ami tawh, kamis dum da rek rawk kan ha chhuak ve a. A hminga thalai lo nih ve phei chuan mawi kan duh ve tho bawk si. Inkhawm lohva tlak tak mai hi a awl a sin. Incheina a ni lo, nun hi a pawimawh zawk tihte chu tih mai mai a ni e.
Khawvel hi zawng a hahthlak mang e. A hausa lah an hausa tual tual a, retheite hi kan bet telh telh mai zawng a nih hi. Tia ka ngaihtuah chang hi chuan mi pangngai ni turin ka thawk anga, ka fate chu mi ropui ni ngei turin ka chher chhuak ang ka ti thin.
8.11.2012
No comments:
Post a Comment