Chu thlasik khua chu vawt hle mah se, hei bak hun ropui leh lawmawm a awm chuang lo ti ni awm fahranin Biakin chu a khat hmur a, pitar leh putar pawh an bang chuang lo,nakum lamah chuan kan hmang thei tawh lo ang a, "tun trum chu aw" an ti a ni ngei ang, shawl lum tak nen intuam hlunin an thu ve khar lawm a, naupangte pawh an thawmhnaw thar nen phur takin lam tualah lamin, gallery lamah lah tleirawl ho lungkham nei lo zetin an lo phun ri ser ser bawk a.
Thusawitu chu a lo ding a, thiam taka thu a sawi laite chuan nu ho chuan Amen an lo pe tuarh tuarh hlawm a, Chung inkhawm zinga nula thutna tlar hnung lam pangah nula pakhat hmel fel rin ren chuan thusawitu thusawi chu ngaihnawm ti hmel tak hian mit khap lek loin a thlir dauh dauh a, a mittui lo hnam triam triam chu a hru leh zauh thin a,mahse thusawitu thu sawi vang a ni hauh si lo,a ngaihtuahna chu hmundang daihah a vak kual velin, chu chuan a mittui a ko chhuak zawk a ni.
Inkhawm ban a lo ni a, pawn boruak chu a thiang nuamin van chu a thiang kak a, thla eng no em em chuan reiek tlang inkham phei ruah mai chu chhun paw ruihin,vanzawla
Kha nula pawh kha a thiante nen thalai zaina lama kal tumin Biakin kawtah chuan an ding a, eng engemaw sawia a thiante hlim taka an nuih dar dar lai chuan a bengah chuan eng thu nge an sawi a hre lo, a ngaihtuahna te chuan nunhlui liamta kha a fang vel a,chung nui rite chu atan chuan hla taka ri ang mai chauh a ni.
Ni e, heng tualzawlahte hian nunhlui tham ral tawh hnu kha a cham tlat a,chung nunhluite chuan a thinlung kha a rawn tithar leh zo a tin ni. Hmanah khan he Biakin kawt zawlah ngei hian a hmangaih em em thin nen ngei khan he hunpui lo thleng hi an lo hmang dun tawh thin a, eng thil pawh ti dawn se, an inzuiin an inkawp chawt thin a nih kha. He tualzawlah ngei hian tlai ni tla an lo thlir tawh thin a,Tu zah pawh dawn zo lo khan naupang chhia ang maia inchhaihin an lo inum kawi zawr zawr tawh thin a, a tan khawvel dang a awm chuang lo. Mahse nunhlui, ziak loh thawnthu mai an chang zo ta si.
Tlak lampanga thli rawn thaw chho heuh heuhte chuan a sam ngil siau mai chu a rawn chhem leng siau siau a,tu emaw ni hian zawi tein a beng bulah rawn hrilh ru mai ni hian a hria a,hmana a aw hriat thran ngei mai kha a ni. a han ngaithla a, "Duat, nakum lamah chuan krismasah thalai zaina ah kan kal dun thei tawh awm lo,ka nupui i ni tawh anga, in lamah min lo nghak thung tawh awm sia" a han lehhawi a, tumah reng an awm lo,amah rawn betu lah an awm hek lo,a thawm hriat chhun thliin hnah a chhem rik leh abul vela midang nui ri thawm chauh lo chu.
Ni e, a hmangaih em emin a sawi ang ngeiin he hunpui lo thleng hi an hmang dun ta lo,nupui pawh chu a nei tawh ngei mai. Mahse amah a ni si lo. An thu lo tiam tawh sa zawng kha hlen ta lovin midang tan a lo ni zawk ta si. A mittui chu dan rual lohvin a biang no takah chuan a rawn luang thla ngiai ngiai a, a thiante hmuh hlau takin rawmawl chuan a han hru mawlh mawlh a, mahse e a dang zo chuang lo. A hmangaih nena an thawnthu hlui alawmna siamtu thin ngei khan tunah zawng amah tina in a mittui a ko chhuak zawk ta si a nih hi.
A phone chu rawn vibrate in, 1 new message tih a lo lang a, a han en chuan
"Duat, hall kawtah ka nghak reng che nia" tih a lo inziak a,insiam tha sawk sawkin a thiante lam pan pah chuan "Just Another love song" tiin a phun ru sep sep a.
26.12.2012
Thusawitu chu a lo ding a, thiam taka thu a sawi laite chuan nu ho chuan Amen an lo pe tuarh tuarh hlawm a, Chung inkhawm zinga nula thutna tlar hnung lam pangah nula pakhat hmel fel rin ren chuan thusawitu thusawi chu ngaihnawm ti hmel tak hian mit khap lek loin a thlir dauh dauh a, a mittui lo hnam triam triam chu a hru leh zauh thin a,mahse thusawitu thu sawi vang a ni hauh si lo,a ngaihtuahna chu hmundang daihah a vak kual velin, chu chuan a mittui a ko chhuak zawk a ni.
Inkhawm ban a lo ni a, pawn boruak chu a thiang nuamin van chu a thiang kak a, thla eng no em em chuan reiek tlang inkham phei ruah mai chu chhun paw ruihin,vanzawla
Kha nula pawh kha a thiante nen thalai zaina lama kal tumin Biakin kawtah chuan an ding a, eng engemaw sawia a thiante hlim taka an nuih dar dar lai chuan a bengah chuan eng thu nge an sawi a hre lo, a ngaihtuahna te chuan nunhlui liamta kha a fang vel a,chung nui rite chu atan chuan hla taka ri ang mai chauh a ni.
Ni e, heng tualzawlahte hian nunhlui tham ral tawh hnu kha a cham tlat a,chung nunhluite chuan a thinlung kha a rawn tithar leh zo a tin ni. Hmanah khan he Biakin kawt zawlah ngei hian a hmangaih em em thin nen ngei khan he hunpui lo thleng hi an lo hmang dun tawh thin a, eng thil pawh ti dawn se, an inzuiin an inkawp chawt thin a nih kha. He tualzawlah ngei hian tlai ni tla an lo thlir tawh thin a,Tu zah pawh dawn zo lo khan naupang chhia ang maia inchhaihin an lo inum kawi zawr zawr tawh thin a, a tan khawvel dang a awm chuang lo. Mahse nunhlui, ziak loh thawnthu mai an chang zo ta si.
Tlak lampanga thli rawn thaw chho heuh heuhte chuan a sam ngil siau mai chu a rawn chhem leng siau siau a,tu emaw ni hian zawi tein a beng bulah rawn hrilh ru mai ni hian a hria a,hmana a aw hriat thran ngei mai kha a ni. a han ngaithla a, "Duat, nakum lamah chuan krismasah thalai zaina ah kan kal dun thei tawh awm lo,ka nupui i ni tawh anga, in lamah min lo nghak thung tawh awm sia" a han lehhawi a, tumah reng an awm lo,amah rawn betu lah an awm hek lo,a thawm hriat chhun thliin hnah a chhem rik leh abul vela midang nui ri thawm chauh lo chu.
Ni e, a hmangaih em emin a sawi ang ngeiin he hunpui lo thleng hi an hmang dun ta lo,nupui pawh chu a nei tawh ngei mai. Mahse amah a ni si lo. An thu lo tiam tawh sa zawng kha hlen ta lovin midang tan a lo ni zawk ta si. A mittui chu dan rual lohvin a biang no takah chuan a rawn luang thla ngiai ngiai a, a thiante hmuh hlau takin rawmawl chuan a han hru mawlh mawlh a, mahse e a dang zo chuang lo. A hmangaih nena an thawnthu hlui alawmna siamtu thin ngei khan tunah zawng amah tina in a mittui a ko chhuak zawk ta si a nih hi.
A phone chu rawn vibrate in, 1 new message tih a lo lang a, a han en chuan
"Duat, hall kawtah ka nghak reng che nia" tih a lo inziak a,insiam tha sawk sawkin a thiante lam pan pah chuan "Just Another love song" tiin a phun ru sep sep a.
26.12.2012
No comments:
Post a Comment