Duhtak

Duhtak,
Tihian i dawn thin em!
Beisei tur reng ka nei tawh lo tiin,
Lungngaia tapin chhun ni leh zan i hmang a,
Ka tan dam chhan a awm ta lo tiin.

Duhtak,
Lungngaiin rum teh suh khai,
Hun lawmawm tak kan tawng a sin.
I sulhnu nunhlui chu hnawk hle mah se,
Hlimin nui la, tah lai bang ta che.

Duhtak,
Ka hliam hi tihdam rual a ni lo i ti maw,
En teh, damna ka hmu a sin.
Vut aiah pangpar thri lo ni in.
Bawhhlawh kai aiah thianghlimna silhfen chu.

Duhtak,
Hei chauh dawn ve ta che,
Nausen ranthlenga lo zal chu,
An khengbet e,anchhe dawng krosah,
I sualna zawngte thaibo turin.

Duhtak,
Chu mai chauh chu a ni lo a sin,
I dinhmun chu khaikan rual a ni lo i timaw,
Nun bul i tan leh nan tiin,
I nunhlui phum bo sak chein thihna hnehin a tho leh a sin.

Duhtak,
Hei chauh ka sawi leh nang e,
Lungngaia i indawm kun changin,
He thu hi nghilh ngai suh ang che aw,
Hmangaihtu Lal Isua a awm reng tih hi.
26.12.2012