"A thupui teh tawp chu a va ho ve le" pawh lo ti la, ka dem lem lo che. Ni e,'LEH' han tih tawp mai chu a ho lu lam deuh chu a ni. Beng sik meuha ka han ngaihtuang vang vang pawhin hei aia mawihnai zawk han phuah tur ka hre thlawt lo a ni. Ngaihnathiamna nen min chhiar sak ve poh a niang chu.
A tirin Pathianin Lei leh van a siam a, chutiangin chhun leh zan, mipa leh hmeichhia...a zavaiin a inkawp vek zel mai nia mawle. Han ngaihtuah neuh neuh chuan thil mahni chauha awm a lo awm reng reng lo zuk ni a. He khawvela thil awm reng rengte hi amah mai chuan a lo kim thei meuh lova, a tu ate pawh, thil nung leh nung lo thleng hian kawppui an lo nei theuh mai a, entirna atan thil nung loah pawh dawhkan pawhin kawppui atan thutthleng a nei a, thil dang dang pawh han chhut neuh neuh chuan akarah LEH a lo awm zel mai. Kan Pathian ngei pawh Hmangaihna Pathian a nih rualin Phuba lak hmang Pathian a ni leh zel a. A pakhat chauh hriat chuan nun hi a hril thui lo teh a sin aw!
He hringnun kawng chhuk chho tak kan zawh mek lai pawh hian, thil chihnih zelin min lo hmuak a, hlimna leh lungngaihna, tah leh nuih, rethei leh hausate pawh, vanduaina leh vanneihna,chhia leh tha thleng pawhin, a pahniha kan hriat loh chuan a han buaithlak dan tur chu, thatna hi hmu ve ngai lovin, a chhia hlir chauh hmu thei ta ni ila, kan damchhung chu ner nuau chungin kan hmang ral anga, mi vanduai berte zinga mi kan ni hial awm e. Vanduaina leh harsatnate kan chunga, a lo thlen changte hian, kan hma lam hunah vanneihna kan la tawng ve mial mahna tiin, mitin hi kan la nung ve hram hram zawng a nih hi.
Nula leh tlangval karah pawh hmel induhnate lo piangin inthen thei tawh lo hial awma mawiin kan inthlahlelin kan inngai em em thin a. Mahse chu inzawmna hrui phenah chuan thenna biaththu pawh a lo inrawlh ru ve reng thin mai, kan tuar thiam lova, midang tawng thei tawh ngai lo tura inngaiin lungngai takin kan indawm kun a, nun pawh a chau rawih rawih thin reng a mi. Engtihmah a nuam lova, zanah chhungte mut reh thep thuap tawha lukham huh deuh hnupin kan mu meng ram ta thin a, ni e, a lehpeka a dang lo lang leh tur,beiseina chu kan hmu thei tlat lo thin a tin ni.
He khawvel thenna ram ngeiah pawh hian, kan damlai la la emaw ten kan hmangaih berten emaw min han kalsan a, kan hmuh phak rengah hlim taka an che tla lai kan han hmu a, rilru chhungril taka pawmpum mai chu harsa tak a ni. Mahse a han rei deuh a, duh takte chu kan tawng ve leh mai bawk a. Kan ngainat em em, kan hmangaihte ngei ngei, thihna kut vawtin lo hmetin, he khawvelah vawikhat pawh tawng leh ngai tawh lo turin thlanah an han zalh a, a tuartu tan chuan a na a ni. Kan duh reng vang pawh ni lovin ngai tak leh ui chung zela inthen a tul leh thin, thenna ram a ni miau atin lawm. Mahse chu mi piaha tawn lehna ram, thlir thiama, hmu thiam chauhte chuan lungawi takin hringnun an hmang zel bik dawn chu a nih hi!! Mahse hei erawh hria ila, hlim takin kan intawk khawm leh angem tih hi.!
28.8.2012
A tirin Pathianin Lei leh van a siam a, chutiangin chhun leh zan, mipa leh hmeichhia...a zavaiin a inkawp vek zel mai nia mawle. Han ngaihtuah neuh neuh chuan thil mahni chauha awm a lo awm reng reng lo zuk ni a. He khawvela thil awm reng rengte hi amah mai chuan a lo kim thei meuh lova, a tu ate pawh, thil nung leh nung lo thleng hian kawppui an lo nei theuh mai a, entirna atan thil nung loah pawh dawhkan pawhin kawppui atan thutthleng a nei a, thil dang dang pawh han chhut neuh neuh chuan akarah LEH a lo awm zel mai. Kan Pathian ngei pawh Hmangaihna Pathian a nih rualin Phuba lak hmang Pathian a ni leh zel a. A pakhat chauh hriat chuan nun hi a hril thui lo teh a sin aw!
He hringnun kawng chhuk chho tak kan zawh mek lai pawh hian, thil chihnih zelin min lo hmuak a, hlimna leh lungngaihna, tah leh nuih, rethei leh hausate pawh, vanduaina leh vanneihna,chhia leh tha thleng pawhin, a pahniha kan hriat loh chuan a han buaithlak dan tur chu, thatna hi hmu ve ngai lovin, a chhia hlir chauh hmu thei ta ni ila, kan damchhung chu ner nuau chungin kan hmang ral anga, mi vanduai berte zinga mi kan ni hial awm e. Vanduaina leh harsatnate kan chunga, a lo thlen changte hian, kan hma lam hunah vanneihna kan la tawng ve mial mahna tiin, mitin hi kan la nung ve hram hram zawng a nih hi.
Nula leh tlangval karah pawh hmel induhnate lo piangin inthen thei tawh lo hial awma mawiin kan inthlahlelin kan inngai em em thin a. Mahse chu inzawmna hrui phenah chuan thenna biaththu pawh a lo inrawlh ru ve reng thin mai, kan tuar thiam lova, midang tawng thei tawh ngai lo tura inngaiin lungngai takin kan indawm kun a, nun pawh a chau rawih rawih thin reng a mi. Engtihmah a nuam lova, zanah chhungte mut reh thep thuap tawha lukham huh deuh hnupin kan mu meng ram ta thin a, ni e, a lehpeka a dang lo lang leh tur,beiseina chu kan hmu thei tlat lo thin a tin ni.
He khawvel thenna ram ngeiah pawh hian, kan damlai la la emaw ten kan hmangaih berten emaw min han kalsan a, kan hmuh phak rengah hlim taka an che tla lai kan han hmu a, rilru chhungril taka pawmpum mai chu harsa tak a ni. Mahse a han rei deuh a, duh takte chu kan tawng ve leh mai bawk a. Kan ngainat em em, kan hmangaihte ngei ngei, thihna kut vawtin lo hmetin, he khawvelah vawikhat pawh tawng leh ngai tawh lo turin thlanah an han zalh a, a tuartu tan chuan a na a ni. Kan duh reng vang pawh ni lovin ngai tak leh ui chung zela inthen a tul leh thin, thenna ram a ni miau atin lawm. Mahse chu mi piaha tawn lehna ram, thlir thiama, hmu thiam chauhte chuan lungawi takin hringnun an hmang zel bik dawn chu a nih hi!! Mahse hei erawh hria ila, hlim takin kan intawk khawm leh angem tih hi.!
28.8.2012
No comments:
Post a Comment